________________
६४४
[ २८८४
नेमिनाहचरिउ [२८८४]
नउलु कुंतिण असिण सहएवु नाराय-सएहिं सिरि- समुदविजय-नरनाहु निहणइ । अवरो वि जायव-निवड निय-निएहिं सत्थेहिं पहरइ ॥ किंतु अणक्किमिरिहि सरिहि जायव-वग्गि विसन्नि । पलविरि स-नरामर-तरुणि- नियरि अईव-विवन्नि ॥
[२८८५]
हरिहि उरयलि अररि-वियडम्मि तुंवेणागंतु लहु
लग्गु वज्ज-दारुण-निहाइण । अहियासेऊण पुणु चक्क-घाउ स-हरिस मुरारिण ॥ गहियउं निय-कर-पल्लविण चक्क-रयणु तूरंतु । अह तं हुयउं विसेसयर- तेय-सिरिण दिप्पंतु ॥
[२८८६]
तयणु जायव-वग्गु परितुटु आणंदिय सुर-असुर मुयहिं उवरि तमु कुसुम-बुट्ठिय । गायति य कित्ति-भरु हरिहि गयणि किन्नरिय तुट्ठिय ॥ भणहिं य नहयर सुर-गण वि जह - इहु सउरिहि पुत्त । वासुदेवु नवमउ जयउ आसि जि जिणिहिं पुवुत्तु ॥
जओ भणियं - [२८८७] तिविठू दुविठू य सयंभु पुरिसुत्तिमे पुरिससीहे ।
तह पुरिसपुंडरीए दत्ते नारायणे कण्हे ॥ [२८८८] आसग्गीवे तारए मेरए महु-केढवे निसुंभे य ।
बलि-पहराए तह रामणे य नवमे जरासंधू ॥ २८८५. ३. क. ज्जु. ख. वज्जु, ७. क. रयण. २८८६. ९. जणिहि.
Jain Education International 2010_05
For Private & Personal Use Only
www.jainelibrary.org
