________________
नेमिनाहचरिउ
[२८०४
[२८०८]
तयणु हरिसिण दिव्व-संठाणु दिव्वाउह-पूरियउं मज्झि दिव्व-कय-सीह-आसणु । मण-इच्छिय-पह गमिरु पत्त-पसरु पडिवक्ख-नासणु ॥ दिव्व-तुरंगमु रह-रयणु वेउविउण खगेण । सुरवइ-सारहि पहु-पुरउ पत्तु पवण-वेगेण ॥
[२८०९]
भणइ पुणु जह - नाह आरुहिवि रह-रयणि इमम्मि लहु दलसु सयल-रिउ-कुल-मडप्फरु । ता नेमि-कुमारु चिर- विहिय-सुकय-अहरिय-पुरंदरु ॥ तहिं रह-रयणि समारुहइ निरुवम-कय-सिंगारु । तयणंतरु हरि हलहरु वि जायव-नरवइ-सारु ॥
[२८१०]
चक्क-वृहिण समुहु इंतस्सु जरसंघ-निवइ-वलह ते-वि गरुड-चूहेण जायव । परिसज्जिय-विउल-बल मिलिय समरि नय-कप्प-पायव ॥ ता दोण्ह-वि निव-पुंगवहं जुडिय सुहड सुहडे हिं । कुंजर करिहिं तुरय हइहिं रहिय पुणो रहिएहि ॥
[२८११]
अह खणद्धिण किं-चि जरसंधनिव-सेन्निण कण्ह-वल दलिय-दप्पु दिसि-मुहु जुयाविउ । एत्थंतरि हरि-पुरउ भणइ मुसलि नय-मग्ग-भाविउ ॥ रिउ-चक्क-व्वूहेण इहु वास-सए वि अ-जेउ । ता कीरउ केण वि विहिण एय-निजूहह भेउ ॥ २८१०. ९. क. रहिएहि, ख. रहिएंहिं
____Jain Education International 2010_05
For Private & Personal Use Only
www.jainelibrary.org
