________________
[२५६७
नेमिनाहचरिउ [२५६७]
अहह सामिय किं किमेयं ति इय भणिरिण परियणिण कह-वि निवह चेयन्नु आणिउ । एयं पि-हु निव-वरहं मुहिहिं सयलु जायविहिं निसुणिउ ॥ ता गरुयर-हुय-पच्चइहिं *मुहि-महुयर-अरविंदु । सो नेमित्तिउ पूइयउ हरि-मुसलिहिं साणंदु ॥
[२५६८]
कमिण अग्गिम-मग्गि गमिराह ससि-निम्मल-नाणु तहं मिलिउ एगु मुणि-रयणु चारणु । अह भाविण थुणिउ तमु चलण-जुयल दुग्गइ-निवारणु ॥ पत्थावंतरि तिण कहिउ समुदविजय-निवइस्सु । आसि निवेइउ नमि-जिणिण हरिसेणह चक्किस्सु ॥
जहा
[२५६९]
जंबु-दीविहिं भरह-वासम्मि सिरि-सोरियपुरि नयरि समुदविजय-वसुहाहिरायह । सिवदेविहि उयरि सुर- राय-नमिउ हिउ जंतु-जायहं ॥ जायव-वंस-सिरोरयणु वावीसइम-जिणिंदु । नेमि-नाहु हविहइ भुवण- पणमिय-पय-अरविंदु ॥
[२५७०]
अद्ध-भरहह सामि-भावेण होहिंति पुणु कण्ह-वलएव तणय वसुदेव-रायह । इय निमुणिवि तुट्ट-मण थुइ करेवि मुणिवरहं पायहं ॥ अक्खंडेहि पयाणइहि जायव-निव वच्चंत । सोरट्टई रेवय-गिरिहिं अवरुत्तरहं पहुत्त ॥ * Lines २५६७. ७. to २५६८. ३. are dropped in ख.
___Jain Education International 2010_05
For Private & Personal Use Only
www.jainelibrary.org
