________________
५७२
[२५३५
नेमिनाहचरिउ
[२५३५]
अरिरि सोमग तुहुं जि जरसंध निव-भवणि असोम-करु हुयउ एम्ब साहंतु अम्हहं । अचिरेण वि पेक्खिहिसि तुहुं वि अम्हि जं करहुं तुम्हहं ॥ इय खर-जंपिय-मुग्गरिण निहणिय-मुहु आगंतु । सोमगु जरसंघह पुरउ कहइ पुव्व-वुत्तंतु ॥
[२५३६]
समुदविजउ विकण्ह-वलभद्द मुहि-सज्जण मेलिउण वाहरेउ कोठुगि निमित्तिउ । कि एण्हि जुत्ति-खमउं सह रिऊहिं अम्हं ति पुच्छिउ ॥ सम्मु निहालिवि साहियउं नेमित्तिण वि स-तोसु । जह - हरि-मुसलि वि निय-बलिण निहणिवि सत्तु स-दोसु ॥
[२५३७]
अद्ध-भरहह सामि-भावेण निस्संसउ होहिसई किं-तु एण्हि जायविहि सयलिहिं । सह वच्चह पच्छिमहं दिसिहि तुम्हि विंझ-गिरि-सविहिहिं ॥ जलहि-तीरि जहिं हरि-दइय सच्चहांव पसवेइ । तणय-जुयलु तहिं अच्छिजहु नयर-निवेसु करेइ ॥
[२५३८]
इय विणिच्छिवि समुदविजयाइ सयलो वि जायव-निवहु उग्गसेण-निव-लोय-सहियउ । सिरि-सोरियपुर-जणिण सूरसेण-विसइण वि कलियउ ॥ पवर-मुहुत्ति पहाण-दिणि सु-सउण-सय-जोगम्मि । संचल्लिउ पच्छिम-समुहु हुयइ पवरि लग्गम्मि ॥ २५३५. ८. क. पुरओ. २५३६. ८. क. वलि.
२५३७. ३. क
ख. सयलि वि, ६. क. ख. जलिहि; ७. ख. सचुहाम्ब.
____Jain Education International 2010_05
For Private & Personal Use Only
www.jainelibrary.org
