________________
[१६३
नेमिनाहचरिउ
[१६३] ता विसेसिण सीह-वुत्तंतु निय-चित्ति लहु संठविवि मयणसिरिहि वइयरु वि सुमरिवि । थी-चरिउविग्ग-मणु मोक्ख-सोक्खु मणि संपहारिवि ॥ गुणहर-सूरिहि केबलिहि पुरउ वसुंधरु सिग्घु । पडिवज्जइ भव-भय-हरणु चरण-रयणु निविग्घु ॥
[१६४] तयणु अइरिण सुय-समुदस्सु पारम्मि पत्तउ सु मुणि मुणिय-दुविह-मुणि-किरिय-गोयरु । आराहिय-परम-गुरु- आणु आण-वदंत-नरवरु ॥ कम-संपाविय-ससि-विमल- चउ-नाण-स्सिरि-रिद्धि । आसन्न-ट्ठिय-परम-मुह- चिंतामणि-सम-सिद्धि ।
[१६५] ता निहालिवि नियय-नाणेण पुरओ य पुच्छिवि गुरुहु पुव्व-वित्तु वइयरु वसंतह । सु-विणिच्छिवि इह वि वणि हुयउ भुयगु इय तसु विचित्तह ॥ पडिवोहत्थु इहागयउ हउं सु स-परियण-जुत्तु । ता उबइठ्ठ सिरीसिवह पुत्र-जम्म-वुत्तंतु ।।
[१६६] तयणु तेण वि जाइ-सरणेण पेक्खेविणु पुच भव गहिवि पंच दियहाणि अणसणु । परिउज्झिवि पाव-तणु पत्तु विवुह-सलहिउ सुरत्तणु ॥ सुर-मंदिरि सोहम्मि लहु तिण वसंत-जीवेण । भुयगिण पुव्व-भविय-खविय-महिल-जणिय-पावेण ॥
[इति वसंतसिंहाख्यानकं समाप्तम् ॥] १६५. ३. क. ख. विणि.
____Jain Education International 2010_05
For Private & Personal Use Only
www.jainelibrary.org
