________________
२७५२]
३९१
सत्तमर्भाव संखवुत्तति महावीरचरिउ
[१७४९]
ता खमिज्जसु सामि मह एहु अवराहु अयाणुयह देसु हत्थु पट्ठीए जय-पहु । अह समियइ सयल-जय- खोहि तम्मि समयम्मि सुरवहु ।। हुय मंगल-उग्गार-रव वहिरिय-गिरि-विवरोह । तियसासुर-पहुणो वि सय सहस-गुणिय सुह-सोह ।।
। [१७५०]
जम्म-ऊसव-हवणि वदृति कि-वि कंचण-कलस-कर के-वि लेंति हत्थेहिं चामर । कि-वि गायहिं महुर-सरु ललिउ के-वि वायंति सुर-वर ।। नच्चहिं विलसहिं चंकमर्हि रमर्हि अवरि साणंदु । भयवंतई जम्मणि लहहिं असम-हरिस-नीसंदु ।
[१७५१]
अह मुहम्मिण तियस-नाण कय-पंच-रूविण खणिण सुर-निहित्त-मणि-कणय-मणहरि । आणेवि जगणिहि सविहि मुत्तु सामि निययम्मि मंदिरि ।। तयणु सुरासुर-जोइसिहि निच्चु वि सेविज्जंतु । पंच-पयारिहिं धाइयहिं निरु परिवालिज्जंतु ॥
[१७५२]
नील-कुंतल कमल-नयणिल्लु विवाहरु सिय-दसणु कंवु-गीवु पुर-अररि-उरयल । जुय-दीहर-भुय-जुयलु वयण-सास-जिय-कमल-उप्पलु । पउम-दलारुण-कर-चरणु तविय-कणय-गोरंगु । अट्ठ-वरिस-वउ पहु हुयउ स-महिम-विजिय-अणंगु । १७४९. ५. सुखरहु. ७. क. ववरोह, १७५२, ४. क. जुयल,
____Jain Education International 2010_05
For Private & Personal Use Only
www.jainelibrary.org
