________________
१२००]
पंचमर्भाव अवराइयवृत्तंतु
[११९७]
ईसि विहसिवि नियय-अभिहाणु पडिउत्तर कुमरियहि कहिवि भणइ साणंदु कुमरु वि । नणु ससि-मुहि पीइमइ मह वि पण्हु फोडमु अ-सारु वि ॥ जं निसुणिउ मई आसि तुह सयल-कलहं कोसल्लु । इय दायव्वु अवस्सु तई मह पुच्छह पडिवुल्लु ॥
[११९८] तहा हि --
धन्नु को वि हु रिउ वि कीलणु वि परिपुच्छइ रमइ कहिं लोउ का व कामिणिहि सुंदर । आयाणु परितप्पणु वि के व निसुय धाऊ पयंपिर ॥ तुहि स्सिरि पडिसेहयर भणहिं क जगु वि निएइ । मयणु भणइ केरिसिय क व तरुणहं हियउं हरेइ ।
[११९९]
तयणु खणु इगु कुमर-संभासु खणु तस्सु सरीर-सिरि खणु कलाहं सयलहं वियदिम । खणु चगिम मुह-ससिहि खणु कुमार-चरियाहं वढिम ॥ खणु गहिरिम पण्हुत्तरह तसु वालिय चिंतंत । थक्क पसारिय-नयण न य कस्सु वि पारि पहुत्त ॥
[१२००]
खलिर-सुललिय-थोव-सविलासमहुरक्खर-मालियहिं किं-पि किं-पि अह कह-वि जंपइ । तियसासुर-खयर-वुह- रयण-जाइ उत्तरु वि संपइ ॥ पयडसु निय-पण्हुत्तरह अह विहसंतु कुमारु । साहइ सिंखल-जाइ तह निय-पण्हुत्तर-सारु ॥ ११९७. ९. पुच्छहु; क. पडिवुत्तु. ११९८. ८. क. भवणु.
____Jain Education International 2010_05
For Private & Personal Use Only
www.jainelibrary.org
