________________
१ १११
२४३
नैमिनाहचरित्रे [११२१]
विज्जुवेगय-नाम इहु चोरु घरि पविसिवि आहरण गहिउ तुरिउ वहि नीहरंतउ । आयण्णिय-वइयरिहिं अणु-पहेण धाविरिहिं पत्तउ ।। इहु अम्हिहिं इय निय-पहुहु आएसेण निवद्ध । वज्झ-घरहं निज्जंतु पुणु चिटई सुहड-निरुधु ॥
[११२२]
किंतु संपइ लद्धिण एएण कंक्खल्लिउ एई इव देइ अम्ह नामु वि न पाडिउ । समुवागय इह तुमि वि तुडि-वसेण ता एहु वियारिउ ।। एयह सुहडह सन्निहिहि दोसारिहु अम्हाण । अप्पावसु खयरिंद तुहं पसिउण मग्गंताण ॥
[११२३]
एत्थ-अंतरि ईसि विहसेवि अवराजिउ वज्जरइ होतु जइ न एहु दोसवंतउ । ता विलविरु करुण-रवु किह-णु मज्झ सरणम्मि एंतउ ॥ सामिण भेइण दंडिण वि इय छुट्टेइ निरुत्तु । एहु इह अ-खलिय-माण-धणु मह सरणम्मि पहुत्तु ।
[११२४]
ता जहिच्छिउ खयर-भड तुभि सर-धोरणि-परिमुयह अहव चोर-मग्गणि असग्गहु । हउं एगु वि अज्जु लहु खयर-पहुहु एयहु नियंतहु ।। भजिसु तुम्ह समग्गहं वि चिर-पस रिउ वि मरटु । तिप्पउ तुम्ह तणुहिं जमु वि वहु-जिय-दलण-घरट्टु ॥ ११२२, १. भडिण.
___Jain Education International 2010_05
For Private & Personal Use Only
www.jainelibrary.org
