________________
नेमिनाहचरित
[११०५
[११०५]
तयणु तग्गय-मण व सा वाल कुसुमाउह-सवरगिण निहय अंगुवंगेसु तह जह । हुय इयरहं ओसहिहिं लहु अ-सज्झ इय कुमर-रयणह ॥ कुसुमचाव-भड-पडिकिइहि समुहीहोउण मुद्ध । स-कडक्खिहि नयणिहि नियइ असम-सिणेह-सिणिद ॥
[११०६]
भणइ पुणु अणवगय-तत्त व्व जह - पिय-सहि किमिह इहु कुसुम-वाणु रइ-रहिउ चिट्टइ। चउराणण वयइ - नणु इह रई वि काणणि विसिहइ ॥ चिट्ठइ परिकीलंत जिह एहु अणंगु तह त्ति । ईसि ईसि विहसंत पुणु कणयमाल निय-चित्ति ॥
[११०७]
किमिहु सुर-रिउ न न न सो कण्हु किमु ईसरु न न न सु वि नग्गु इंदु पुणु अणिमिसिच्छणु । विस-सिय-वयणु धरणिंदु बंभु चउ-वयण-दसणु ॥ मयणु अणंगु तावइ रवि रयणीयरु स-कलंकु । इह पुणु दोस-विवज्जियउ कु-वि नर-रयणु अ-संकु॥
[११०८]
इय विचिंतिर भणइ नणु मामि चउराणणि इह वि लहु विसम-वाणु इहु वाहरिज्जउ । तयणंतरु निय-करिहिं इमह पूय-सक्कार किज्जउ ॥ अह चउराणण विहसिउण भणइ - सुयणु विसमस्सु । आणयणिण सक्कारिण वि किमिह विसम-वाणस्सु ॥ ११०६. ६. क. चिट्टा missing.
Jain Education International 2010_05
For Private & Personal Use Only
www.jainelibrary.org
