________________
नेमिनाहचरिउ
[१०६५
[१०६५]
जत्थ माहवि-लइय तोमरिय सेहालिय कुंतलिय जालइय लहु सुरहि-लइय वि । चूय-हम-मंजरिय वहु-गुलुंछ पायव-असोय वि ॥ आलिगिज्जहिं पूग-फलि तरु-कामुय सव्वंगु । नागवल्लि-तरुणिहि जणहं उज्जीविरिहिं अणंगु ।।
[१०६६]
जहिं पवालंकुरिहिं कय-सोह डिभाई व तिलय-कय- गरुय-महिम कामिणि-मुहाई व । वहु-लक्खण-चित्त-सय- मणहराई नरवइ-गिहाई व ॥ उत्तिम-जाइ-प्पसव-कय- महि-मंडणई वणाई । विलसहिं भुवणाणंद-यर नं नरनाह-कुलाई ॥
[१०६७]
जहिं य वियसिय-कुसुम कणियारवण-राइ कंचण-मय व कुणइ पहिय-हिययाण विभमु । अहिकंखहिं भुवण-यलि सयल-मिहुण निय-दइय-संगमु ॥ गिज्जहिं रासहिं चच्चरिउ पिज्जहिं वर-मइराउ । माणिज्जहिं तुंग-त्थणिउ किज्जहिं जल-कीलाउ ।
[१०६८]
एत्थ-अंतरि ताल-रव-पुव्वु नर-नाहिण संनिहिय- निय-पियाए उर-यलि निवेसिवि । कर-पल्लवु दाहिणउ भणिउ एउ पुणरुत्तु विहसिवि ।। कटकट उज्जाणिय चिरह अइ-सुंदरु विण्णत्त । ता उज्जाणि स-परियणु वि माणिसु अज्जु वसंतु ॥ १०६६. ३. क. महिन, ख. महि.. १०६७. ६. रासय; ७. क. पज्जहि, ख. पेज्जहिं. ९. क. कीलाओ. १०६८. ५. क. पुणुरुत्तः ६. क. ख. विरह.
Jain Education International 2010_05
For Private & Personal Use Only
www.jainelibrary.org
