________________
[१०१७
२५६
नेमिनाहचरिउ [१०१७]
गमिरु कत्थ वि पुर-विसेसम्मि संपत्तु महाड विहिं तयणु तण्ह-छह-विहुर-विग्गहु । कय-पत्तल साह-सय- सुहय-चूय-तरु-तल-परिगहु॥ मुहि-कय-किसलय-सत्थरइ निवडिउ नीसाहारु । ता सचिवाहिव-अंगरुहु परिविमुक्क-सिक्कारु ॥
[१०१८]
कुमर धीरउ होसु खणु एगु । एहु हउं वि समागयउ गहिवि अन्न-पाणाई तक्खणि । इय पभणिवि धाविउण गंतु सविह-गोउलिय-वासणि ॥ घेत्तु तहाविह-तस्समय- उचियाहार-जलाई । जाव पहुत्तउ ठाणि तहिं ता ति जि विडवि-दलाई ॥
[१०१९]
नियई निय-करयलिण खिवियाई निय-मित्तह सत्थरइ न-उण कह-वि हरिनंदि-नंदणु । तयणंतरु - अहह कह गयउ मज्झ सुहि सत्तु-खंडणु ॥ अहव कि ठाणह भोलविउ केण-वि विहिहि वसेण । नासेविण व इहत्थि मह उवरि पणय-रोसेण ॥
[१०२०
किं व को-वि हु मज्झ मइ-मोहु इहु अहव सु मज्झ मुहि हरिउ पुव्व-भव-रिउण केण-वि। परि एहु न सक्कियइ हरिउ किण-वि खयरिण सुरेण वि ॥ इय वण-देविउ कि न कहहु तमु मह मित्तह सुद्धि । दिसि-वालहु परमेसरहु तुम्हि वि किमिह कु-बुद्धि ।।
Jain Education International 2010_05
For Private & Personal Use Only
www.jainelibrary.org
