________________
९७६)
पंचमभवि अवराइयवृत्तंतु
[९७३] इय पुणु-पुणु निवु विसूरंतु वाहुल्ल-लोयण-जुयलु पिक्खिऊण तिण कुमर-रयणिण । सिरि विरइय-करयलिण विणय-पुन्बु पप्फुल्ल-वयणिण ॥ भणिउ - कु तुम्हहं दोसु इह अ-मुणिय-परमत्थाहं । फुड अवरद्धउं महिं जि एहु तुम्ह महासत्ताहं ॥
[९७४] जं सुणंतिण दोस-यारि त्ति सो तक्करु परिगहिवि तुम्ह कु-नय-उद्धरण-धीरहे । निय-पिउहु सरिच्छहं वि मइ वरद्ध वसुहेक्क-वीरहं ॥ तं निय-नंदण-समह महु पसिउण खमह समग्गु । हुइ दुविया उ दुमाय नउ इय सुम्मइ जण-मग्गु ॥
[९७५] एत्थ-अंतरि कुमर-रयणस्सु वयणेण रंजिउ निवइ सुहड थुहिं भुय-दंड-चड्डिम । परिकित्तहिं विउस गुण सुयण-वग वणंति वड्डिम ॥ चाउ पसंसहिं वंदि-यण तरुणि रूखु सलहंति । निव सवि वाइ-पहाण जण-वालिय सो ज्जि वरंति ॥
[९७६] अह नरिंदह वयणु आसज्ज परिमोइय-तक्करिण सचिव-सुइण सह विमलवोहिण । निव-कारिय-वित्थरिण विहिय-सयल-परमग्ग-सोहिण ॥ जयकुंजर-खंधर-गयउ . मागह-गण-गिज्जतु । नयरि पविठु कुमारु जय- लोइण सलहिज्जंतु ॥ ९७३. ५. क. पफुल्ल. ६. इय. ९०५. ३. चंडिम.
____Jain Education International 2010_05
For Private & Personal Use Only
www.jainelibrary.org
