________________
२३८
नेमिनाहचरिउ
[९४५]
तसु जि कुमरह आसि सह-जाउ सह-पंसु-कीलियउ सह-गहीय-निम्मल-फलालउ । सम-संचिय-कित्ति-भरु समुवलद्ध-गुग-मणि-विसालउ ॥ सम-तणु सम-मणु सम-किरिउ सरिस-सील-सब्भाउ । मइधण-मंतिहि अंगरुहु विमलवोहु सुहि जाउ ।।
[९४६]
इयर-वासरि अहिणवुवलद्धि निरु निरुवम रूव-गुणि तुरय-रयण-जुयलम्मि दोण्णि वि । आरुहिउण विहि-वसिण . सेसु सयल वलु समवगणिवि ।। जा संचल्लिय कित्तिउ वि पह ता दुहिं वि हएहिं । अवहरिऊण महाडइहिं निय-विवरिय-सिक्खेहि ॥
[९४७]
अह पह-स्सम-खिन्न-देहेहि दोहिं पि तुरंगमिहि परिविमुक्क-निय-जीवियासिहि । संपत्तइ सिर-उवरि रविहिं तेय-पूरिय-दसासिहि ॥ कुमरु तुरंगह उत्तरिवि निय-मित्तिण वि समेउ । निविसिवि सहयारह तरुहु छायहं निय-कुल-केउ ।।
[९४८ लहु वि अ-विहिय-हियय-संतावु रयणायर-गहिर-मणु तियस-सिहरि-सिहरोलि-अविचलु । निय-मित्त समुद्दिसिवि भणइ - वयणु मह सुणसु निच्चलु ॥ पुरिसु जु कोऊहल-कलिय सयल वसुंधर एह । न नियइ नूण सु लहु अवड- तड-मंडुक्कु सुणेह ।। ९४३. ८. क. मइधण.
Jain Education International 2010_05
For Private & Personal Use Only
www.jainelibrary.org
