________________
[ ९२९
२३४
नेमिनाहचरिउ तओ य
[९२९] कप्प-विडवि व अमय-संसित्तु सरयागम-जणिय-गुरु- तेय-पसरु छण-रयणि-रमणु व । ससि-उदइण लहरि-भर- विहिय-सोहु रयणायरो विव ॥ तणय-रयण-जम्मिण मुणिरु कय-किच्चउं अप्पाणु । देइ पियंवय-दासियहि सत्त-वेणि पिइ-दाणु ॥
[९३०]
तयणु सज्जण-जणिय-संतोसु आणंदिय-भिच्चयणु नयर-नारि-नर-नियर रंजणु । आराहिय-देव-गुरु- पाय-पउमु पडिवक्ख-गंजणु ॥ उवरोहिय-नर-कारविय- सति-विहिण विहवेण । काराविउ बद्धावणउं सयलहं महिहिं निवेण ॥
[९३१]
अह अणुक्कमु कीरमाणेहि सयलेहिं वि पढम-सुय- रयण जम्म-उचिएहिं कम्मिहि । संपत्ति एक्कारसमि दियहि समगु सुहि-सयण-सम्मिहि । अवराजिय इय विस्सुयउं अणुसुमरिय-सिविणेहि । नामु विइण्णु महा-महिण सुयह जणणि-जणगेहिं ॥
[९३२]
तयणु पमुइय सयल-धरणि-यलमुहि-सज्जण भिच्चयण कुमर-रयण-अभिहाणु निसुणिवि । अवलोइवि रूव-वर- लक्खणइदु पुलइयउ पिसणु वि ।। अवराजिय-कुमरो वि जह- भणिय-गुणोलि-सहीहि । लालिज्जतउ उत्तिमहिं पंचहि कुल-धाईहिं॥
Jain Education International 2010_05
For Private & Personal Use Only
www.jainelibrary.org
