________________
[८७६
२२०
नेमिनाहचरिउ
[८७३]
एत्थ-अंतरि ईसि विहसेवि खयराहिवु सव्वहं वि पुरउ ताहं तरुणीण जंपइ । जह साहह सुंदरिउ काउ कत्थ मुच्चंति संपइ ॥ जम्हा एत्थ महाडविहिं तुम्हहं जुत्त न ठाउ । ता मेल्लहुं निय-निय-भवणि चल्लह चइवि विसाउ ॥
[८७४] ता मुरविणु दीह नीसास जोएवि विलासबइ - कंतिवइहिं वयणाई सायरु ।। तरुणीउ समुल्लवहिं खयर-नाह गुण-रयण-सायरु ॥ जइ न हवहि तुहं अम्ह पिउ पसरिय-गुरु कारुण्णु । तो पडिवज्जेयव्वु लहु अम्हिहिं जलणु सरण्णु ॥
[८७५] जमिह अम्हहं हरिय-मेत्तरं वि अ-पयट्ट-विवाहहं वि अणवलुत्त-निय-सील-मणिहिं वि । इह आगय-मेत्तरं वि मय-अणंगरइ-दुक्ख-हयहं वि ॥ गच्छंतहं निय-निय-भवणि धुवु फिट्टइ न कलंकु । भुवण-तिलउ ता तुहुँ जि पर पिउ अम्हहं नीसंकु ॥
[८७६] तयणु झल्लरि-भेरि-सारंगिकंसाल-तालय-तिरिरि- करडि-ढक्क-तंवक्क-बुक्कहिं । पडु-पडह-मुसंख-वर- वंस-वेणु-मद्दल-हुडुक्कहि । पतिहिं तूरिहिं वहुर्हि वहिरिय-मज्झ-दसासु । गायंतिहिं गंधव्वइहिं पूरिय-तरुण-जणासु ॥ ८७३. ३. क. नाह. ८७४. ४, क. तरुणीओ. ८७५. ५. क. अणंगरय.
८७६. ९. क. जआस; ख. जणेसु.
Jain Education International 2010_05
For Private & Personal Use Only
www.jainelibrary.org
