________________
[८६०
नेमिनाहचरिउ
[८५७]
इय पयंपिवि केस-पासेण आयड्ढिवि हढिण तसु वयण-कुहरि गुरु-धूलि-वच्चकु । परिखित्तउ रविपहिण अह अणंगरइ अप्प-वंचकु ॥ वहु-अवसउण-निवारिउ वि रोसारुण-नयणिल्लु । करयल-कय-करवाल परि- कंपिर-अहर-दलिल्लु ।।
[८५८]
हुयउ संमुहु तयणु ते दो वि विज्जाहर-पहु-तणय दो वि समर-संरंभ-हरिसिय । दु वि कामिणि-विसय-गुरु- वइर दो वि पर-हणण-तरिसिय ॥ दोण्णि वि फुरियामरिस-भर दोण्णि वि गरुय-पहार । दोणि वि कंपाविय-सुहड दोणि वि रिउ-संहार ॥
[८५९] __ दो वि दीहर-दोस सिसिर व गुरु-तेय दु वि दिणयर व फुरिय-धम्म-गुण दो वि मुणिणु व । दु वि करिणु व दाण-पिय कुडिल-गमण-रुइ दो वि अहिणु व ।। दु वि गलगज्जहिं कुंजर व दु वि वग्गहिं तुरय व्च । दु वि फुक्कारहिं विसहर व दु वि धडहडहिं रह व्व ।।
[८६०]
दु वि विउब्धिय-वाण परिमुयहि अन्नुन्नु दु वि वाहरहिं नियडि-रूब पयडंति दोण्णि वि । दु वि वज्जिय-करुण दु वि य परहं वयणु न धरंति कन्नि वि ॥ चिरु दु वि कोलहिं रण-महिहिं अह रविपहिण सदप्पु । ... मुक्कउ को वि पहारु जिण खण-मेत्तिण अ-वियप्पु ॥ ..
____Jain Education International 2010_05
For Private & Personal Use Only
www.jainelibrary.org
