________________
नेमिनाहचरिउ
[७०६]
भमिवि चउ-गइ-भव-अरण्णम्मि वहु-भेय-परिप्फुरिय- जम्म-मरण-सहसिहि कयस्थिउ । विलवंतउ पर-वसिउ दास-पेस-अधणत्त-दुत्थिउ ॥ तारिस-निय-कम्मह वसिण अभिहाणिण असियक्खु । हुउ वेयड्ढ-महागिरिहिं एरावण-जिउ जक्खु ॥
[७०७]
इय समासिण कहिवि वुत्तंतु तुह संतिउ मुणि-वसहु अच्चिमालि अन्नत्थ विहरिउ । तुह अंतर-वास-कइ भाणुवेगु पुणु गहिवि कुमरिउ । मह वयणिण माणस-सरह सविह-देसि गंतूण । ठिउ पिय-संगम-नामु पुरु सुर-पुर-समु रइऊण ॥
[७०८]
तयणु तइयहं तह तुमं तेण परिणाविउ अट्ट निय- दुहिय किं तु तुह पाय-जुयलह । पत्याविण सेव हउं करिसु धरिवि इहु मज्झि हिययह ॥ तई मिल्लेविणु एक्कलउ भाणुवेगु निय-ठाणि । गउ ता पहु मरिसिज्ज तुहूं इहि अवराह-पयाणि ॥
[७०९]
चंडवेगिण भणिवि इय कुमरु परिणाविउ वित्थरिण कन्नयाहं तह सउ अणूणउं । ता भुंजइ विसय-मुह गरुय-खयर-रज्जिण सम्वाणउं ॥ चंडवेग-खयरिंदु पुणु स-कुडुंब वि निय-रिद्धि । सणतुकुमारह देइ लहु सारय-ससि-सम-बुद्धि ॥ . ७०६. ४. परिवसिउ.
Jain Education International 2010_05
For Private & Personal Use Only
www.jainelibrary.org
