________________
१७७
१७७
७०५] तइयभवि चित्तगइवुत्तति सणतुकुमारचरिउ
[७०२]
पत्त-अवसरु विहिय-सिंगारु अभिभोगिय-सुर-गणिण नीउ पुरउ तियसाहिरायह । तसणि करिवरु वि अणुसरंतु गरुयर-विसायह ॥ चिक्कारारव-भरिय-दिसि तसिउ पयट्टउ जाव । वज्जंकुस-करु तियस-पहु तर्हि आरूढउ ताव ॥
[७०३]
तयणु दुगुणीहुयउ करि-राउ तियसिंदु वि दुगुण-तणु चउ-सरीरु अह हत्थि-नाहु वि । सुर-सामि वि चउ-गुणिउ तयणु अट्ठ-गुण हूय ते दु-वि ।। किं बहुइण तह तह सुइरु खेइवि गरुय-विसाइ । आरूढउ तियसाहिवइ तइयहं तहिं करि-राइ ।
[७०४]
इय निरंतरु तेसि दोण्हं पि तियसेसर-गयरायहं फुरिय-गरुय-सुह-दुह-विसेसह । सुइरज्जिय-निय-नियय- कम्म-वसिण गच्छंत-दिवसहं ॥ पुचयरु वि करिवरु चइवि पडियउ भवि चउरंगि । धम्मिय-जण-उक्कंप-यरि पसरिय-दुह-सव्वंगि ॥
[७०५]
तियस-सामि वि चविवि ठिइ-खइण सिरि-हत्थिणाग-प्पुरिहिं आससेण-मेइणि-मयंकह । सहदेविहि पिययमह कुच्छि-कमलि अणहुव-कलंकह ॥ चउदह-सिविणुवसूइयउ हुउ गुण-रयण-निहाणु । नंदणु भुवणाणंद-यरु सणतुकुमारभिहाणु ॥ ७०२. ९. क. आरूंढउ. ७०४. ३. क. दुहे. ७०५. ६. भणहुय.
२३
Jain Education International 2010_05
For Private & Personal Use Only
www.jainelibrary.org
