________________
१२८
नेमिनाहचरिउ ।
[५०६ [५०६]
इय ठवेविणु कुमरु कंदप्पभवणाजिरि कह-कह-वि कुमर-दिण्ण-आएसु तस्सुहि । अन्नेसणि तरुणियह चलिउ जाव ता नियइ ससि-मुहि ॥ सहि तीए च्चिय गोरियह विहिय-पुरिस-नेवच्छ । गच्छतिय लइयंतरहं समुहु वियासिय-अच्छ ॥
[५०७]
अह महिंदस्सीह-कुमरेण वोल्लाविय सा - सुयणु कहसु मज्झ को एहु वइयरु । जं दीसइ पई विहिउ पुरिस-वेसु क्यणह अगोयरु ॥ तयणु हसेविणु गोरडी भणइ सविहि आगंतु । निसुणसु सु-पुरिस अवहियउ होउण मह वुत्तंतु ॥
तहा हि-~
[५०८] दियहि पच्छिमि इह वि उज्जाणि संपत्तिय मज्झ सहि आसि मयण-पूयणह कज्जिण । ता अहरिय-विसमसर- तियस-इंद-गोविंदु रुविण ॥ दिहउ को-विहु मह सहिहिं मयण-ब्भवण-दुवारि । भुवण-सिरोमणि नर-रयणु विहिय-अवहि-सिंगारि ॥
. [५०९]
तयणु अवगय-हियय-भावाण स-सहीण वयणिण मयण- विन्भमेण तसु पूय विरइय । तह स-करिहिं चंदणिण अंगुवंग सयलि वि विलेविय ॥ मुद्धहि मज्झ वयंसियहि अह तत्तणु-फरिसेण । अइ-कोमलिण सु-दुल्लहिण नडिउ अंगु अइरेण ॥
____Jain Education International 2010_05
For Private & Personal Use Only
www.jainelibrary.org
