________________
१०७
४२५ ]
तइयभवि चित्तगइवुत्तंतु
[४२२]
अवि य अंतर-सत्तु-निद्दलणु पणमंत-तिहुयण-सरणु चरण-धरणिवइ-सेन्न-मंडणु । संसारिय-दुह-दलणु महि-ललंत-कुनय-मय-खंडणु ॥ तियसासुर-नर-नय-चलणु विहुरिय-विहिय-त्ताणु । अरिहंतहं निउरंतु मह लहु वियरउ कल्लाणु ॥
[४२३] सुइर-संचिय-कम्म-हुयवाहउवसामण-नीर-धरु भुवण-भवण-सिहरि-प्पइटिउ । निहाविय-असुह-मलु सासयम्मि ठाणम्मि संठिउ । सुद्ध-ज्झाण-हुयासणिण जालिय-भव-कंतारु । सिव-वहु-वल्लहु सिद्ध-मणु निहणउ मह संसारु ।।
[४२४] चरिय-दस-विह-समण-आयारु गंभीरु उवएस-यरु बुद्धिमंतु जिण-मय-वियक्खणु। सिवु सोमु समुल्लसिय- दित्ति-कित्ति सु-पसत्थ-लक्खणु ॥ विहि-पडिवन्नु चरित्त-निहि देस-काल-भाव-ण्णु । भवि भवि मह आयरिय-निउरुंतु हवेज्ज सरण्णु ॥
[४२५] समय-जलनिहि-पार-संपत्त उवसंतु तेयब्भहिउ कित्तिमंतु मुणि-किरिय-रत्तउ । गीयत्थुवएस-रुइ विजिय-परिसु निरु स-गुरु-भत्तउ ॥ थिर-परिवाडि-विणीय-बहु- सीस-पडिच्छिय-आणु । मज्झ उवज्झायहं नियरु हवउ सरण्ण-पहाणु ॥ ४२४. ८-९. क निउरुंव. ख. निउरुब.
Jain Education International 2010_05
For Private & Personal Use Only
www.jainelibrary.org
