________________
नेमिनाहचरिउ
[४१
[४१८] परियडंतउ विविह-देसेसु उयर-पूरणु अणुदियहु दियह-अंति कहमवि कुर्णतउ । पुव्वुत्तउ तसु वि लहु वंधु पउम-अभिहाणु पत्तउ ।। अह गरुयर-अमरिस-वसिण आयइढिय-धणुहेण । हणिउ महा-मुणि वच्छयलि सरिण तेण पावेण !
मई पडं तिण के-वि जइ जीव धरणि-यलि उवद्दविय तेसि मज्झ मिच्छा मि दुक्कडु । न य कस्सु वि वसिण इहु तुज्झ जीव आवडिउ संकडु ।। निय-कर-आरोविय-गरुय- कम्म-तरूण फलाणि । पत्त-विवाग पडंति धुवु उवरि जणह सयलाणि ॥
[४२०] निय-तरंगिहि भिन्न-कुल-सेलु जलही वि वाहा-जुइण सक्कु तरिउ साहसिय-पुरिसिहि । खर-नहर-भयंकर वि सीह-पोउ धरियइ करग्गिहिं॥ लहु साहिज्जइ कुंजरु वि थंभिज्जइ जलणो वि । सप्पु वि घेप्पइ करिण वसिकिज्जइ वेयालो वि ॥
[४२१] न उण तिहुयण-पयड-माहप्पु पसरंतु समुल्लसिय- मउ कयंत-केसरि तरिज्जइ । उवसाहिउ सुर-असुर- नरवरेहिं वि हु जइ मिलिज्जइ ॥ ता सुमरसु रे जीव तुहुँ मणिण पंच-नवकारु । मित्त-अमित्तेमु य कुणसु सरिस-भावु जय-सारु ॥ ४१७. ६. lllegible in क. ११८, २. क. अणुदियह. ४. क. तसु.दि. १२०. ५. क. धरियहि,
Jain Education International 2010_05
For Private & Personal Use Only
www.jainelibrary.org
