Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 997

जागा
(१४) जावाजावाभगम (३) पडिवत्ति (च.) दीवसमुद्द
४८]
55555555555555550xom
MORRO55555555555555555555555555555555555555555555551od
जोयणाइं उव्वेहेणं अच्छे सण्हे वण्णओ जहेवणंदाणं पुक्खरिणीणं जाव तोरणवण्णओ, तस्स णं हरतस्स उत्तरपुरच्छिमेणं एत्थ णं एगा महं अभिसेयसभा पं० जहा सभा सुधम्मा तं चेव निरवसेसं जाव गोमाणसीओ भूमिभाए उल्लोए तहेव, तस्स णं बहुसमरमणिज्जस्स भूमिभागस्स बहुमज्झदेसभाए एत्थ णं एगा महं मणिपेढिया पं० जोयणं आयामविक्खंभेणं अद्धजोयणं बाहल्लेणं सव्वमणिमया अच्छा०, तीसे णं मणिपेढियाए उप्पिं एत्थ णं महं एगे सीहासणे पं०. सीहासणवण्णओ अपरिवारो, तत्थ णं विजयस्स देवस्स सुबहू अभिसेक्के भंडे संणिक्खित्ते चिट्ठति, अभिसेयसभाए उप्पिं अट्ठट्ठमंगलए जाव उत्तिमागारा सोलसविधेहिं रयणेहिं०, तीसे णं अभिसेयसभाए उत्तरपुरच्छिमेणं एत्थ णं एगा महं अलंकारियसभावत्तव्वया भाणियव्वा जाव गोमाणसीओ मणिपेढियाओ जहा अभिसेयसभाए उप्पिं सीहासणं स (अ) परिवार, तत्थ णं विजयस्स देवस्स सुबहू अलंकारिए भंडे संनिक्खित्ते चिट्ठति, उत्तिमागारा अलंकारिय० उप्पिं मंगलगा झया जाव छत्ताति०, तीसे णं आलंकारियसहाए उत्तरपुरच्छिमेणं एत्थ णं एगा महं ववसातसभा पं०, अभिसेयसभावत्तव्वया जाव सीहासणं अपरिवारं, त (ए) त्थ णं विजयस्स देवस्स एगे महं पोत्थयरयणे संनिक्खित्ते चिट्ठति, तस्स णं पोत्थयरयणस्स अयमेयारूवे वण्णावासे पं० तं०-रिट्ठामतीओ कंबियाओ तवणिज्जमए दोरे णाणामणिमए गंठी अंकमयाइं पत्ताई वेरूलियमए लिप्पासणे तवणिज्जमती संकला रिट्ठमए छादणे रिट्ठामया मसी वइरामयी लेहणी रिट्ठामयाई अक्खराइं धम्मिए सत्थे, ववसायसभाए णं उप्पिं अट्ठमंगलगा झया छत्तातिच्छत्ता उत्तिमागारेति, तीसेणं ववसा (उववा पा०) यसभाए उत्तरपुरच्छिमेणंएगे महं बलिपेढे पं० दो जोयणाई आयामविक्खंभेणं जोयणं बाहल्लेणं सव्वरयतामए अच्छे जाव पडिरूवे, तस्सणं बलिपेढस्स उत्तरपुरच्छिमेणं एगा महंणंदापुक्खरिणी पं० जं चेव माणं हरयस्सतं चेव सव्वं ।१४१। तेणं कालेणं० विजए देवे विजयाए रायहाणीए उववातसभाए देवसयणिज्जंसि देवदूसंतरिते अंगुलस्स असंखेजतिभागमेत्तीए बोंदीए विजयदेवत्ताए उववण्णे, तए णं से विजये देवे अहुणोववण्णमेत्तए चेव समाणे पंचविहाए पज्जत्ताए पज्जत्तीभावं गच्छति, तं०-आहारपज्जत्तीए सरीर० इंदिय० आणापाणु० भासामणपज्जत्तीए, तए णं तस्स विजयस्स देवस्स पंचविहाए पज्जत्तीए पज्जत्तीभावं गयस्स इमे एयारूवे अज्झत्थिए चितिए पत्थिते मणोगए संकप्पे समुप्पज्जित्था-किं मे पुव्वं सेयं ? किं मे पच्छा सेयं ? किं मे पुव्विं करणिज्जं ? किं मे पच्छा करणिज्जं ? किं मे पुव्विं वा पच्छा वा हिताए सुहाए खमाए णिस्सेयसाते आणुगामियत्ताए भविस्सतीतिकटु एवं संपेहेति, तते णं तस्स विजयस्स देवस्स सामाणियपरिसोवव-(१५९) ण्णगा देवा विजयस्स देवस्स इमं एतारूवं अज्झत्थितं० समुप्पण्णं जाणित्ता जेणामेव से विजए देवे तेणामेव उवागच्छंति त्ता विजयं देवं करतलपरिग्गहियं० सिरसावत्तं मत्थए अंजलिं कटु जएणं विजएणं वद्धावेति त्ता एवं व०-एवं खलु देवाणुप्पियाणं विजयाए रायहाणीए सिद्धायतणंसि अट्ठसतं जिणपडिमाणं जिणुस्सेहपमाणमेत्ताणं संनिक्खित्तं चिट्ठति सभाए य सुधम्माए माणवए चेतियखंभे वइरामएसु गोलवट्टसमुग्गतेसु बहूओ जिणसकहाओ सन्निक्खित्ताओ चिट्ठति जाओणं देवाणुप्पियाणं अन्नेसिंच बहूणं विजयरायहाणि वत्थव्वाणं देवाण य देवीणय अच्चणिज्जाओ वंदणिज्जाओ पूयणिज्जाओ सक्कारणिज्जाओ सम्माणणिज्जाओकल्लाणं मंगलं देवयं चेतियं पज्जुवासणिज्जाओ एतण्णं देवाणुप्पियाणं पुव्विपिसेयं एतण्णं देवाणुप्पियाणं पच्छावि सेयं एतण्णं देवा० पुव्विं करणिज्ज एतं० पच्छा करणिज्ज एतण्णं देवा० पुव्विं वा पच्छा वा जाव आणुगामियत्ताते भविस्सतीतिकटु महता २ जय (जय) सई पउंजंति, तए णं से विजए देवे तेसिं सामाणियपरिसोववण्णगाणं देवाणं अंतिए एयमढे सोच्चा णिसम्म हट्ठतुट्ठजावहियते देवसयणिज्जाओ अब्भुढेइ त्ता दिव्वं देवदूस जुयलं परिहेइ त्ता देवसयणिज्जाओ पच्चोरूहइ त्ता उपपातसभाओ पुरत्थिमेणं बारेणं णिग्गच्छइ त्ता जेणेव हरते तेणेव उवागच्छति त्ता हरयं अणुपदाहिणं करेमाणे २ पुरत्थिमेणं तोरणेणं अणुप्पविसति त्ता पुरथिमिल्लेणं तिसोवाणपडिरूवएणं पच्चोरूहति त्ता हरयं ओगाहति त्ता जलावगाहणं करेति त्ता जलमज्जणं करेति जलकिड्डं करेति आयंते चोक्खे परमसूतिभूते हरतातो पच्चुत्तरति त्ता जेणामेव अभिसेयसभा तेणामेव उवागच्छति त्ता अभिसेयसभं पदाहिणं करेमाणे पुरथिमिल्लेणं बारेणं अणुपविसति त्ता जेणेव सए सीहासणे तेणेव उवागच्छति त्ता सीहासणवरगते पुरच्छाभिमुहे सण्णिसण्णे, तते णं तस्स विजयस्स देवस्स
सामाणियपरिसोववण्णगा देवा आभिओगिते देवे सद्दावेति त्ता एवं व०-खिप्पामेव भो देवाणुप्पिया ! विजयस्स देवस्स महत्थं महग्धं महरिहं विपुलं इंदाभिसेयं Mere+फ555555555555555555 श्री आगमगुणमंजूषा -
८९०
5 555555555555555OOK