Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 990

FAGS555555555555554
) जीवाजीवामियम परिवनि दीवयमहरा
55%%%%%%%%%%%%EO.OR
CC%步听听听听听听听听听听听听听听听听听听 听听听听听听听听听听听听听听听听听听听听听听听听听听听听56S
। सीहघोसाओ मंजुस्सराओ मंजुघोसाओ सुस्सराओ सुस्सरणिग्घोसाओ ते पदेसे ओरालेणं मणुण्णेणं कण्णमणनिव्वुइकरेण सद्देण जाव चिट्ठति, विजयस्सणं
दारस्स उभओपासिं दुहतो णिसीधिताए दो दो वणमालापरिवाडीओ पं०, ताओ णं वणमालाओ णाणादुमलताकि सलयपल्लवसमाउलाओ छप्पयपरिभुज्जमाणकमलसोभंतसस्सिरीयाओ पासाईआओ० ते पएसे उरालेणं जाव गंधेणं आपूरेमाणीओ जाव चिट्ठति ।१३०। विजयस्स णं दारस्स उभओ पासिं दुहतो णिसीहियाए दो दो पगंठगा पं०, ते णे पगंठगा चत्तारि जोयणाई आयामविक्खंभेणं दो जोयणाई बाहल्लेणं सव्ववइरामता अच्छा जाव पडिरूवा, तेसिं णं पयंठगाणं उवरिं पत्तेयं २ पासायवडंसगा पं०, तेणं पासायवडिंसगा चत्तारि जोयणाई उड्ढंउच्चत्तेणं दो जोयणाइं आयामविक्खंभेणं अब्भुग्गयमूसितपहसिताविव विवहमणिरयणभत्तिचित्ता वाउद्ध्यविजयवेजयंतीपडागच्छत्तातिच्छत्तकलिया तुंगा गगणतलमभिलंघमाणसिहरा जालंतररयणपंजरुम्मिलितव्व मणिकणगथूभियागा वियसियसयवत्तपोंडरीयतिलकरयणद्धचंदचित्ता णाणामणिमयदामालंकिया अंतो बाहिं च सण्हा० तवणिज्जरूइलालुयापत्थडगा सुहफासा सस्सिरीयरूवा पासातीया०, तेसिंणं पासायवडेंसगाणं उल्लोया पउमलताजावसामलयाभत्तिचित्ता सव्वतवणिज्जमता अच्छा जाव पडिरूवा, तेसिंणं पासायवडिसगाणं पत्तेयं २ अंतो बहुसमरमणिज्जे भूमिभागे पं०, से जहाणामए आलिंगपुक्खरेति वा जाव मणीहिं उवसोभिए, मणीणं गंधो वण्णो फासो य नेयव्वो, तेसिंणं बहुसमरमणिज्जाणं भूमिभागाणं बहुमज्झदेसभाए पत्तेयं २ मणिपेढियाओ पं०, ताओ णं मणिपेढियाओ जोयणं आयामविक्खंभेणं अद्धजोयणं बाहल्लेणं सव्वरयणामईओ जाव पडिरूवाओ, तासिंणं मणिपेढियाणं उवरिं पत्तेयं २ सीहासणे पं०, तेसिंणं सीहासणाणं अयमेयारूवे वण्णावासे पं० तं०-तवणिज्जमया चक्कला रयतामया सीहा सोवण्णिया पादा णाणामणिमयाइं पायवीढगाइं जंबूणयमताई गत्ताई वतिरामया संधी नाणामणिमए वेच्चे, ते णं सीहासणा इहामियउसभजावपउमलयभत्तिचित्ता ससारसारोवइयविविहमणिरयणपायपीढा अच्छरगमिउमसूरगनवतयकुसंतलिच्च सीहके सरपच्चत्थुताभिरामा उवचियखोमदुगुल्लपट्टपडिच्छायणा सुविरचितरयत्ताणा रत्तंसुयसंवुया सुरम्मा आइणगरुयबूरणवनीततूलमउयफासा पासाईया०, तेसिंणं सीहासणाणं उप्पिं पत्तेयं २ विजयदूसे पं०, ते णं विजयदूसा सेता संखकुंददगरयअमतमहियफेणपुंजसन्निकासा सव्वरयणामया अच्चा जाव पडिरूवा, तेसिंणं विजयदूसाणं बहुमज्झदेसभाए पत्तेयं २ वइरामया अकुंसा पं०, तेसु णं वइरामएसु अंकुसेसु पत्तेयं २ कुंभिक्का मुत्तादामा पं०, ते णं कुंभिक्का मुत्तादामा अन्नेहिं चउहिं २ तदधुच्चप्पमाणमेत्तेहिं अट्टकुंभिक्केहिं मुत्तादामेहिं सव्वतो समंता संपरिक्खित्ता, ते णं दामा तवणिज्जलंबूसका सुव्वणपयरगमंडिता जाव चिट्ठति, तेसिंणं पासायवडिंसगाणं उप्पिं बहवे अट्ठट्ठमंगलगा पं० सोत्थिय तधेव छत्ता ।१३१ । विजयस्स णं दारस्स उभओ पासिं दुहओ णिसीहियाए दो दो तोरणा पं०, ते णं तोरणा णाणामणिमया तहेव जाव अट्ठमंगलगा य छत्तातिच्छत्ता, तेसिंणं तोरणाणं पुरतो दो दो सालभंजिताओ पं० जहेव णं हेट्ठा तहेव, तेसिंणं तोरणाणं पुरतो- दो दो णागदंतगा पं०, ते णं णागदंतगा मुत्ताजालंतरूसिया तहेव, तेसुणं णागदंतएसुबहवे किण्हसुत्तवट्टवग्धारितमल्लदामकलावा जाव चिट्ठति, तेसिंणं तोरणाणं पुरतो दो दो हयसंघाडगा जाव उसभसंघाडगा पं० सव्वरयणामया अच्छा जाव पडिरूवा, एवं पंतीओ वीहीओ मिहुणगा दो दो पउमलयाओ जाव पडिरूवाओ, तेसिंणं तोरा ( पुरतो दो दो चंदणकलसा पं०, ते णं चंदणकलसा वरकमलपइट्ठाणा तहेव सव्वरयणामया जाव पडिरूवा समणाउसो!, तेसिंणं तोरणाणं पुरओ दो दो भिंगारगा पं० वरकमलपढाणा जाव सव्वरयणामया अच्छा जाव पडिरूवा महतामहतामत्तगयमुहागितिसमाणा समणाउसो!, तेसिंणं तोरणाणं पुरतो दो दो आतंसगा पं०, तेसिंणं आतंसगाणं अयमेयारूवे वण्णावासे पं०
तं०- तवणिज्जमया पयंठगा वेरुलियमया छहा वइरामया वरंगा णाणामणिमया वलक्खा अंकमया मंडला अणोघसियनिम्मलाए छायाए सव्वतो चेव समणुबद्धा 4 चंदमंडलपडिणिकासा महतामहताअद्धकायसमाणा पं० समणाउसो !, ते सिं णं तोरणाणं पुरतो दो दो वइरणाभे थाले पं०, ते णं थाला
अच्छतिच्छडियसालितंदुलनहसंदट्ठबहुपडिपुण्णा चेव चिट्ठति सव्वजंबूणतामता अच्छा जाव पडिरूवा महतामहतारहचक्कसमाणा समणाउसो!, तेसिंणं तोरणाणं पुरतो दो दो पालीओ पं०, ताओ णं पातीओ अच्छोदयपडिहत्थाओ णाणाविधपंचवण्णस्स फलहरितगस्स बहपडिपुण्णाओविव चिट्ठति सव्वरयणामतीओ जाव,
99乐乐乐明明明明明明明明明明明明明明听听听听听听听听听听听听听听听听听听听听听听听听听听听听听听