Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 989

KO.95555555555555555
(१४) जीवाजीवाभिगम (३) पडिवत्ति (च.) दीवसमुह
[४०]
$
$$$$$
$$520
CCF听听听听听听听听听听听听听听听听听听听听听听听听听听听听听听听听听听听听听听听听听乐乐乐中乐乐乐3E
लवणसमुद्दपुरच्छिमद्धस्स पच्चत्थिमेणं सीयाए महाणदीए उप्पिं एत्थ णं जंबुद्दीवस्स दीवस्स विजये णामं दारे पं० अट्ठ जोयणाई उहुंउच्चत्तेणं चत्तारि जोयणाई विक्खंभेणं तावतियं चेव पवेसेणं सेए वरकणगथूभियागे इहामियउसभतुरगनरमगरविहगवालगकिण्णररूरुसरभचमरकुंजरवणलतप-उमलयभत्तिचित्ते खंभुग्गतवइरवेदियापरिगताभिरामे विज्जाहरजमलजुयलजंतजुत्तेइव अच्चीसहस्समालिणीए रूवगसहस्सकलिते भिसमाणे भिब्भिसमाणे चक्खुल्लोयणलेसे सुहफासे सस्सिरीयरूवे वण्णो दारस्स तं०-वइरामया णिम्मा रिट्ठामया पतिद्वाणा वेरूलिया खंभा जायरूवोवचियपवरपंचवण्णमणिरयणकोट्टिमतले हंसगब्भमए एलुए गोमेज्जमते इंदखीले लोहितक्खमईओ दारचेडीओ जोतिरसामते उत्तरंगे वेरूलियामया कवाडा वइरामया संधी लोहितक्खमईओ सूईओ णाणामणिमया समुग्गगा वईरामई अग्गलाओ अग्गलापासाया वइरामई आवत्तणपेढिया अंकुत्तरपासते णिरंतरितघणकवाडे भित्तीसु चेव भित्तिगुलिया छप्पण्णा तिण्णि होति गोमाणसी तत्तिया णाणामणिरयणवालरू वगलीलट्ठियसालिभंजियाए वइरामए कूडे रययामए उस्सेहे सव्वतवणिज्जमए उल्लोए णाणामणिरयणजालपंजरमणिवंसगलोहितक्खपडिवंसगरयतभोम्मे अंकामया पक्खबाहाओजोतिरसामया वंसावंसकवेल्लुगा य रयतामयी पट्टिताओ जायरूवमती ओहाडणी वइरामयी उवरि पुच्छणी सव्वसेतरययामए च्छायणे अंकमतकणगकूडतवणिज्जथूभियाए सेते संखतलविमलणिम्मलदधिघणगोखीरफेणरयरयणिगरप्प गासद्धचंदचित्ते तिलगरयणद्धचंदचित्तेणाणामणिमयदामालंकिए अंतो य बहिं च सण्हे तवणिज्जरूइलवालुयापत्थडे सुहप्फासे सस्सिरीयरूवे पासातीए०, विजयस्स णं दारस्स उभयो पासिं दुहतो णिसीहि याते दो दो चंदणकलसपरिवाडीओ पं०, ते णं चंदणकलसा वरकमलपइट्ठाणा सुरभिवरवारिपडिपुण्णा चंदणकयचच्चागा आविद्धकंठेगुणा पउमुप्पलपिहाणा सव्वरयणामया अच्छा सण्हा जाव पडिरूवा महता २ महिंदकुंभसमाणा पं० समणाउसो!, विजयस्स णं दारस्स उभओ पासिं दुहृतो णिसीहिआए दो दो णागर्दतपरिवाडीओ, ते णं णागदंतगा मुत्ताजालंतरूसिता हेमजालगवक्खजालखिखिणीघंटाजालपरिक्खित्ता अब्भुग्गता अभिणिसिट्ठा तिरियं सुसंपगहिता अहेपण्णगद्धरूवा पण्णगद्धसंठाणसंठिता सव्वरयणामया अच्छा जाव पडिरूवा महता २ गयदंतसमाणा पं० समणाउसो!, तेसुणं णागदंतएसु बहवे किण्हसुत्तबद्ध (वट्ट) वग्धारितमल्लदामकलावा जाव सुकिल्लसुत्तवट्टवग्धारियमल्लदामकला वा, तेणं दामा तवणिज्जलंबूसगा सुवण्णपतरगमंडिता णाणामणिरयणविविधहारद्धहार जाव सिरीए अतीव २ उवसोभेमाणा २ चिटुंति, तेसिंणं णागदंतकाणं उवरिं अण्णाओ दो दो णागदंतपरिवाडीओ पं०, तेसिंणं णागदंतगाणं (उप्पिं दो दो णागदंतगा) मुत्ताजालंतरूसिया तहेव जाव समणाउसो!, तेसुणं णागदंतएसु बहवे रयतामया सिक्कया पं० तेसुणं रयतामएसु सिक्कएसु बहवे वेरूलियामतीओ धूवघडीओ पं० तं०-ताओणं धूवघडीओ कालागुरूपवरकुंदुरूतुरुक्कक्कधूवमघमघंतगंधुद्धयाभिरामाओ सुगंधवरगंधगंधियाओ गंधवट्टिभूयाओ ओरालेणं मणुण्णेणं घाणमणणिव्वुइकरेणं गंधेणं तप्पएसे सव्वतो समंता आपूरेमाणीओ २ अतीव सिरिए जाव चिट्ठति, विजयस्स णं दारस्स उभयतो पासिं दुहतो णिसीधियाए दो दो साल मंजियापरिवाडीओ पं० ताओ णं सालभंजियाओ लीलट्ठिताओ सुपइट्ठियाओ सुअलंकिताओ णाणागारवसणाओ णाणामल्लपिणद्धाओ मुट्ठीगेज्झमज्झाओ आमेलगजमलजुयलवट्टिअच्चुण्णयपीणरचियसंवट्टिपओहराओ रतावंगाओ असियकेसीओ मिदुविसयपसत्थलक्खणसंवेल्लितग्गसिरयाओ ईसिं असोगवरपादवसमुट्ठिताओ वामहत्थगहितग्गसालाओ ईसिं अद्धच्छिकडक्खचेट्ठिएहिं लूसेमाणीतोइव चक्खुल्लोयणलेसाहिं अण्णमण्णं खिज्जमाणीओइव पुढवीपरिणामाओ सासयभावमुवगताओ चंदाणणाओ चंदविलासिणीओ चंदद्धसमनिडालाओ चंदाहियसोमदंसणाओ उक्काइव उज्जोएमाणीओ विज्जुघणमरीचिसूरदिप्पंततेयअहिययरसं निकासाओ सिंगारागारचारूवेसाओ पासाईयाओ० तेयसा अतीव २ उवसोभेमाणीओ चिट्ठति, विजयस्स णं दारस्स उभयतो पासिं दुहतो णिसीहियाए दो दो जालकडगा पं०, ते णं जालकडगा सव्वरयणामया अच्छा जाव पडिरूवा, विजयस्स णं दारस्स उभओपासिं दुहओ णिसीहियाए दो दो घंटापरिवाडीओ पं०, तासिंणं घंटाणं अयमेयारूवे वण्णावासे पं० तं०-जंबूणयामतीओ घंटाओ वइरामतीओ लालाओ णाणामणिमया घंटापासगा
तवणिज्जमतीओसंकलाओरयतामतीओ रज्जूओ, ताओणं घंटाओ ओहस्सराओ मेहस्सराओ हंसस्सराओ कोंचस्सराओणंदिस्सराओणंदिघोसाओ सीहस्सराओ Home
H AKARENESHKी भागमरणास55555555555555555555555555OTORI