Page Text
________________
[ ३९ ]
(१४) जीवाजीवामि (३) पडिवनि (च.) दीव समुद्द तासि खुडिडयाणं वावीण जाव बिलपंतियाणं तत्थ २ देसे २ तहिं २ जाव बहवे तिसोवाणपडिरूवगा पं०, तेसिं णं तिसोवाणपडिरूवाणं अयमेयारूवे वण्णावा पंo do वइरामया नेम्मा रिट्ठामया पतिद्वाणा वेरूलियामया खंभा सुवण्णरूप्पामया फलगा वइरामया संधी लोहितक्खमईओ सूईओ णाणामणिमया अवलंबणा अवलंबणवाहाओ, तेसिं णं तिसोवाणपडिरूवगाणं पुरतो पत्तेयं २ तोरणा पं०, ते णं तोरणा णाणामणिमया णाणामणिमय- (१५७) खंभेसु उवणिविट्ठसण्णिविट्ठा विविहमुत्तरोवइता विविहतारारूवोवचिता ईहामियउसभतुरगणरमगरविहगवालगकिण्णररूरुसरभचमरकुं जरवणलयपउमलयभत्तिचित्ता खंभुग्गयवइरवेदियापरिगताभिरामा विज्जाहरजमलजुयलजंतजुत्ताविव अच्चिसहस्समालणीया रूवगसहस्सकलिया भिसमाणा भिब्भिसमाणा चक्खुल्लोयणलेसा सुहफासा सस्सिरीयरूवा पासाईया०, तेसिं णं तोरणाणं उप्पिं बहवे अट्टट्ठमंगलगा पं० - सोत्थियसिरिवच्छणंदियावत्तवद्धमाणभद्दासणकलसमच्छदप्पणा सव्वरतणामया अच्छा सण्हा जाव पडिरूवा, तेसिं णं तोरणाणं उप्पिं बहवे किण्हचामरज्झया जाव सुक्किल्लचामरज्झया अच्छा सण्हा रूप्पपट्टा वइरदंडा जलयामलगंधिया सुरूवा पासाईया०, तेसिं णं तोरणाणं उप्पिं बहवे छत्ताइच्छत्ता पडागाइपडागा घंटाजुयला चामरजुयला उप्पलहत्थया जाव सयसहस्सपत्तहत्थगा सव्वरयणामया अच्छा जाव पडिरूवा, तासिं णं खुड्डिया णं वावीणं जाव बिलपंतियाणं तत्थ २ देसे २ तहिं बहवे उप्पायपव्वया णियइपव्वया निययपव्वया जगतिपव्वया दारूपव्वयगा दगमंडवगा दगमंचका दगमालका दगपासायगा ऊसडा खुड्डा खडहडगा अंदोलगा पक्खंदोलगा सव्वरयणामया अच्छा जाव पडिरूवा, तेसुणं उप्पायपव्वतेसु जाव पक्खंदोलएसु बहवे हंसासणाई कोंचासणाई गरूलासणाई उण्णयासणाई पणयासणाई दीहासणाई भद्दासगाई पक्खासणाई मगरासणाई उसभासणाई सीहासणाइं पउमासणारं दिसासोवत्थियासणाइं सव्वरयणामयाई अच्छाई सण्हाई लण्हाई घट्टाई मट्ठाइं णीरयाइं णिम्मलाई निप्पंकाई निक्कंकडच्छायाई 'सप्पभाई समरीयाई सउज्जयाई पासादीयाइं दरिसणिज्जाई अभिरूवाइं पडिरूवाइं, तस्स णं वणसंडस्स तत्थ २ देसे २ तहिं २ बहवे आलिघरा मालिघरा कयलिघरा लियाघरा अच्छणघरा पेच्छणघरा मज्जणघरगा पसाहणघरगा गब्भघरगा मोहणघरगा सालघरगा जालघरगा कुसुमघरगा चित्तघरगा गंधव्वघरगा आयंसघरगा "सव्वरयणामया अच्छा सण्हा लण्हा घट्टा मट्ठा णीरया णिम्मला णिप्पंका निक्कंकडच्छाया सप्पभा समरीया सउज्जोया पासाईया दरिसणिज्जा अभिरूवा पडिरूवा, तेसुण ओलिघरएसु जाव आयंसघरएसु बहूई हंसासणाई जाव दिसासोवत्थियासणाई सव्वरयणामयाई जाव पडिरूवाई, तस्स णं वणसंडस्स तत्थ २ देसे २ तहिं ८२ बहवे जाइमंडवगा जूहियामंडवगा मल्लियामंडवगा णवमालियामंडवगा वासंतीमंडवगा दधिवासुयामंडवगा सूरिल्लिमंडवगा तंबोलीमंडवगा मुद्दियामंडवगा णागलयामंडवगा अतिमुत्तमंडवगा अप्फोतामंडवगा मालुयामंडवगा सामलयामंडवगा णिच्चं कुसुमिया णिच्चं जाव पडिरूवा, तेसु णं जातीमंडवसु ad पुढवीसिलापट्टगा पं० तं०- हंसासणसंठिता कोंचासणसंठिता गरूलासणसंठिता उण्णयासणसंठिता पणयासणसंठिता दीहासणसंठिता भद्दासणसंठिता +पक्खासणसंठिता मगरासणसंठिता उसभासणसंठिता सीहासणसंठिता पउमासणसंठिता दिसासोत्थियासणसंठिता पं०, तत्थ बहवे वरसयणासणविसिट्ठसंठाणसंठिया पं० समणाउसो !, आइणगरूयबूणरवणीततूलफासा मउया सव्वरयणामया अच्छा जाव पडिरूवा, तत्थ णं बहवे वाणमंतरा “देवा य देवीओ य आसयतिसयति चिद्वंति णिसीदंति तुयट्टंति रमंति ललंति कीलंति मोहंति पुरापोराणाणं सुचिण्णाणं सुपरक्कंताणं सुभाणं कल्लाणाणं कडाणं कम्माणं कल्लाणं फलवित्तिविसेस पच्चणुब्भवमाणा विहरंति, तीसे णं जगतीए उप्पिं अंतो पउमवरवेदियाए एत्थ णं एगे महं वणसंडे पं० देसूणाई दो जोयणाई विक्खभेणं वेइयासमएणं परिक्खेवेण किण्हे किण्होभासे वणसंडवण्णओ मणितणसद्दविहूणो णेयव्वो, तत्थ णं बहवे वाणमंतरा देवा य देवीओ य आसयंत चिट्ठति णिसीयति तुयर्हति रमंति ललति कीडति मोहंति पुरा पोराणाणं सुचिण्णाणं सुपरक्कंताणं सुभाणं कंता (कडा) णं कम्माणं कल्लाणं फलवित्तिविसेसं "पच्चणुब्भवमाणा विहरति । १२८। जंबुद्दीवस्स णं भंते! दीवस्स कति दारा पं० ?, गो० ! चत्तारि दारा पं० तं० विजये वेजयंते जयंते अपराजिए । १२९ । कहिं णं भंते ! जंबुद्दीवस्स दीवस्स विजये नामं दारे पं० ?, गो० ! जंबुद्दीवे दीवे मंदरस्स पव्वयस्स पुरत्थिमेणं पणयालीसं जोयणसहस्साइं अबाधाए जंबुद्दीवे दीवे पुरच्छिमपेरंते DAN -- HT LE LE LE L********-223
NIN
Son International 2010 02
££££££££******
YO
廣編
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |