Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 925

FROHO54555555555559
.(१३) रायपसेणिय [श उवंगसुत्तं]
[१४].
55%%%%%
%%
C3
Anamnahananjhanthinimaharathi5555
सीहासणाई पउमासणाई दिसासोवत्थियासणाई सव्वरयणामयाइं अच्छाइं जाव पडिरूवाई, तेसुणं वणसंडेसुतत्थ २ तहिं २ देसे २ बहवे आलियघरगा मालियघरगा है कयलिघरगा लयाघरगा अच्छणघरगा पिच्छणघरगा मंडणघरगा पसाहणघरगा गम्भघरगा मोहणघरगा सालघरगा जालघरगा चित्तघरगा कुसुमघरगा गंधव्वघरगा
आयंसघरगा सव्वरयणामया अच्छा जाव पडिरूवा, तेसु णं आलियघरगेसु जाव आयंसघरगेसु बहूई हंसासणाई जाव दिसासोवत्थिआसणाई सव्वरयणामयाइं जाव पडिरूवाई, तेसुणं वणसंडेसु तत्थ २ देसे २ तहिं २ बहवे जातिमंडवगा जूहियमंडवगाणवमालियमंडवगा वासंतियमंडवगा सूरमल्लियमंडवगा दहिवासुयमंडवगा तंबोलिमंडवगा मुद्दियामंडवगा णागलयामंडवगा अतिमुत्तयलयामंडवगा आप्फोवगाए मालुयामंडवगा अच्छा सव्वरयणामया जाव पडिरूवा, तेसुणं जालिमंडवएसु जाव मालुयामंडवएसु बहवे पुढवीसिलापट्टगा हंसासणसंठिया जाव दिसासोवत्थियासणसंठिया अण्णे य बहवे मंसलघुट्ठविसिट्ठसंठाणसंठिया पुढवीसिलापट्टगा पं० समणाउओ ! आइणगरूयबूरणवणीयतूलफासा सव्वरयणामया अच्छा जाव पडिरूवा, तत्थ णं बहवे वेमाणिया देवा य देवीओ य आसयंति सयंति चिट्ठति निसीयंति तुयटृति हसंति रमंति ललंति कीलंति किट्टंति मोहेति पुरा पोराणाणं सुचिण्णाणं सुपडि (र) कंताणं सुभाणं कडाणं कम्माणं कल्लाणाणं कल्लाणं फलविवागं पच्चणुब्भवमाणा विहरंति।३२। तेसिंणं वणसंडाणं बहुमज्झदेसभाए पत्तेयं २ पासायवडंसगा पं०, ते णं पासायवडेंसगा पंचजोयणसयाई उड्ढंउच्चत्तेणं अड्ढाइज्जाइंजोयणसयाई विक्खंभेणं अब्भुग्गयमूसियपहसियाइव तहेव बहुसमरमणिज्जभूमिभागो उल्लोओ सीहासणं सपरिवारं, तत्थ णं चत्तारि देवा महिडिढया जाव पलिओवमद्वितीया परिवसंति, तं०-असोए सत्तपण्णे चंपए चूए, सूरियाभस्स णं देवविमाणस्स अंतो बहुसमरमणिज्जे भूमिभागे पं० २०-वणसंडविहूणे जाव बहवे वेमाणिया देवा य देवीओ य आसयंति जाव विहरंति, तस्स णं बहुसमरमणिज्जस्स भूमिभागस्स बहुमज्झदेसे एत्थ णं महेगे उवगारियालयणे पं० एगं जोयणसयसहस्सं आयामविक्खंभेणं तिण्णि जोयणसयसहस्साई सोलस सहस्साइं दोण्णि य सत्तावीसं जोयणसए तिन्नि य कोसे अट्ठावीसं च धणुसयं तेरस य अंगुलाई अद्धंगुलं च किंचिविसेसूणं परिक्खेवेणं जोयणं बाहल्लेणं सव्वजंबूणयामए अच्छे जाव पडिरूवे ।३३। से णं एगाए पउमवरवेइयाए एगेण य वणसंडेण य सव्वतो समंता संपरिक्खित्ते, सा णं पउमवरवेइया अद्धजोयणं उड्ढउच्चत्तेणं पंचधणुसयाई विक्खंभेणं उवकारियलेणसमा परिक्खेवेणं, तीसे णं पउमवरवेइयाए इमेयारूवे वण्णवासे बं० (तं०-वयरामया णिम्मा रिट्ठामया पतिवाणा वेरूलियामया खंभा सुवण्णरूप्पमया फलगा लोहियक्खमईओ सूईओ नाणामणिमया कडेवरा णाणामणिमया कडेवरसंघाडगाणाणामणिमया रूवा णाणामणिमया रूवसंघाडगा अंकामया पक्खबाहाओ जोइरसामया वंसावंसकवेल्लुगा रइयामईओ पट्टियाओ जातरूवमई ओहाडणी वइरामया उवरिपुच्छणी सव्वरयणामई अच्छायणे पा०), सा णं पउमवरवेइया एगमेगेणं हेमजालेणं गवक्खजालेणं खिखिणीजालेणं घंटाजालेणं मुत्ताजालेणं मणिजालेणं कणगजालेणं रयणजालेणं परमजालेणं सव्वतो समंता संपरिक्खित्ता, ते णं (दामा पा०) तवणिज्जलंबूसगा जाव चिट्ठति, तीसे णं पउमवरवेइयाए तत्थ २ देसे २ तहिं २ बहवे हयसंघाडा जाव उसभसंघाडा सव्वरयणामया अच्छा जाव पडिरूवा पासादीया जाव वीहीतो पंतीतो मिहुणाणि लयाओ, से केणटेणं भंते ! एवं वुच्चति-पउमवरवेइया २ ?, गोयमा !पउमवरवेइया णं तत्थ २ देसे २ तहिं २ वेझ्यासु वेड्याबाहासुय वेइयफलतेसु य वेइयपुडंतरेसु य खंभेसु खंभबाहासु खंभसीसेसु खंभपुडंतरेसु सुयीस सुयीमुखेसु सूईफलएसुसूइपुडंतरेसु पक्खेसु पक्खबाहासु पक्खपेरंतेसु पक्खपुढंतरेसु बहुयाइं उप्पलाई पउमाइं कुमुयाई णलिणातिंसुभगाइं सोगंधियाइं पुंडरीयाइं महापुंडरीयाणि सयवत्ताई सहस्सवत्ताइं सव्वरयणामयाइं अच्छाई पडिरूवाइं महया वासिकंच्छत्तसमाणाई पं० समणाउसो ! से एएणं अटेणं गोयमा । एवं वुच्चइ-पउमवरवेइया २, पउमवरवेझ्या णं भंते ! किं सासया असासया ?, गोयमा ! सिय सासया सिय असासया,
से केणटेणं भंते ! एवं वुच्चइ-सिय सासया सिय असासया ?, गोयमा ! दव्वट्ठयाए सासया वन्नपज्जवेहिं गंधपज्जवेहिं रसपज्जवेहिं फासपज्जवेहिं असासया, से ३ तेणटेणं गोयमा ! एवं वुच्चति-सिय सासया सिय असासया, पउमवरवेइया णं भंते ! कालओ केवचिरं होइ?, गोयमा ! ण कयाविणासी ण कयाविणत्थि न कयावि १ नभविस्सइ भुविंच हवइयभविस्सइय धुवा णिझ्या सासया अक्खया अव्वया अवट्ठिया णिच्चा पउमवरवेइया, सेणं वणसंडे देसूणाइंदोजोयणाइं चक्कवालविक्खंभेणं Kooks 5 5555555555555555 श्री आगमगुणमंजूषा - ८१८55555555555555555# # # OOK
明明明明明明明明明明明明明明明明听听听听听听听听听听听听听听听听听听听听听听听听听乐乐乐听听听听听
CE
LELCELELELELELELENE