Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 926

GO555555555555555
कन्यसामगारागसुस]
स)
FROM
明明明明明明明明明明乐乐乐乐乐乐乐乐乐纸乐乐乐乐乐乐乐乐乐乐听听听听听听听听听听听听听听听听听听
उवयारिलेणसमे परिक्खेवेणं, वणसंडवण्णतो भाणितव्वो जाव विहरंति, तस्स णं उवयारियालेणस्स चउदिसिं चत्तारि तिसोवाणपडिरूवगा पं० वण्णओ तोरणा झया छत्ताइच्छत्ता, तस्स णं उवयारियालयणस्स उवरिं बहुसमरमणिज्जे भूमिभागे पं० जाव मणीणं फासो ।३४। तस्स णं बहुसमरमणिज्जस्स भूमिभागस्स' बहुमज्झदेसभाए एत्थ णं महेगे पासायवडेंसए पं०, सेणं पासायवडिंसते पंच जोयणसयाई उड्ढंउच्चत्तेणं अड्ढाइज्जाइं जोयणसयाइं विक्खंभेणं अब्भग्गयमूसिय वण्णतो भूमिभागो उल्लोओ सीहासणं सपरिवार भाणियव्वं, अट्ठट्ठमंगलगा झया छत्तातिच्छत्ता, ते णं मूलपासायवडेंसगे अण्णेहिं चउहिं पासायवडेंसएहिं तयद्धच्चत्तप्पमाणमेत्तेहिं सव्वतो समंता संपरिक्खित्ते, तेणं पासायवडेसगा अड्ढाइज्जाइं जोयणसयाई उड्ढंउच्चत्तेणं पणवीसं जोयणसयं विक्खंभेणं जाव वण्णओ, ते णं पासायवडिंसया अण्णेहिं चउहिं पासायवडिसएहिं तयधुच्चत्तप्पमाणमेत्तेहिं सव्वओ समंता संपरिक्खित्ता, ते णं पासायवडेंसया पणवीसं जोयणसयं उड्ढंउच्चत्तेणं बावट्टि जोयणाई अद्धजोयणं च विक्खंभेणं अब्भुग्गयमूसिय वण्णओ भूमिभागे उल्लोओ सीहासणं सपरिवारं भाणियव्वं अट्ठट्ठमंगलगा झया छत्तातिच्छत्ता, ते णं पासायवडेंसगा अण्णेहिं चउहिं पासायवडेंसएहिं तदद्धच्चत्तपमाणमेत्तहिं सव्वतो समंता संपरिक्खित्ता, ते णं पासायवडेंसगा बावहिँ जोयणाई अद्धजोयणं च उड्ढंउच्चत्तेणं एक्कतीसंजोयणाई कोसं च विक्खभेणं वण्णओ उल्लोओ सीहासणं सपरिवार पासायउवरिं अट्ठमंगलगा झया छत्तातिच्छत्ता ३५/ तस्सणं मूलपासायवडेंसयस्स उत्तरपुरच्छिमेणं एत्थणं सभा सुहम्मा पं० एगंजोयणासयं आयामेणं पण्णासंजोयणाई विक्खंभेणं बावत्तरि जोयणाई उड्ढंउच्चत्तेणं अणषगखंभसयसंनिविट्ठा अब्भुग्गयसुकयवयरवेइयातोरणवररइयसालिभंजियागा जाव अच्छरगणसंघविप्पकिण्णा पासादीया०, सभाए णं सुहम्माए तिदिसिं तओ दारापं० २०-पुरच्छिमेणं दाहिणेणं उत्तरेणं, तेणं दारासोलसजोयणाई उड्ढंउच्चत्तेणं अट्ठ जोयणाई विक्खंभेणं तावतियं चेव पवेसेणं सेया वरकणगथूभियागा जाव वणमालाओ, तेसिंण दाराणं उवरिं अट्ठमंगलगा झया छत्ताइच्छत्ता, तेसिंणं दाराणं पुरओ पत्तेयं २ मुहमंडवा पं०, तेणं मुहमंडवा एगंजोयणसयं आयामेणं पण्णासं जोयणाइठ विक्खंभेणं साइरेगाई सोलस जोयणाई उड्ढंउच्चत्तेणं वण्णओ सभाए सरिसो, तेसिंणं मुहमंडवाणं तिदिसिं ततो दारा पं० त०-पुरच्छिमेणं दाहिणणं उत्तरेणं, ते णं दारा सोलस जोयणाई उड्ढंउच्चत्तेणं अट्ठजोयणाई विक्खंभेणं तावइयं चेव पवेसेणं सेया वरकणगभियागा जाव वणमालाओ, तेसिंणं मुहमंडवाणं भूमिभागा उल्लोया, तेसिंणं मुहमंडवाणं उवरिं अट्ठट्ठमंगलगा झया छत्ताइच्छत्ता, तेसिंणं मुहमंडवाणं पुरतो पत्तेयं २ पेच्छाघरमंडवे पं० मुहमंडववत्तव्वया जाव दारा भूमिभागा उल्लोया, तेसिं णं बहुसमरमणिज्जाणं भूमिभागाणं बहुमज्झदेसभाए पत्तेयं २ वइरामए अक्खाडए पं०, तेसिंणं वयरामयाणं अक्खाडगाणं बहुमज्झदेसभागे पत्तेयं २ मणिपेढिया पं०, ताओणं मणिपेढियातो अट्ठ जोयणाई आयामविक्खंभेणं चत्तारि जोयणाई बाहल्लेणं सव्वमणिमईओ अच्छाओ जाव पडिरूवाओ, तासिंणं मणिपेढियाणं उवरि पत्तेयं २ सीहासणे पं० सीहासणवण्णओ सपरिवारो, तेसिंणं पेच्छाघरमंडवाणं उवरि अट्ठमंगलगा झया छत्तातिच्छत्ता, तेसिंणं पेच्छाघरमंडवाणं पुरओ पत्तेयं २ मणिपेढियाओ पं० ताओ णं मणिपेढियातो सोलस जोयणाई आयामविक्खंभेणं अट्ठ जोयणाई बाहल्लेणं सव्वमणिमईओ अच्छाओ पडिरूवाओ, तासिं णं उवरि २ थूभे पं०, ते णं थूभा सोलस जोयणाई आयामविक्खंभेणं साइरेगाइं सोलस जोयणाई उड्ढंउच्चत्तेणं सेया संखककुंददगरयअमयमहियफेणपुंजसंनिगासा सव्वरयणामया अच्छा जाव पडिरूवा, तेसिंणं थूभाणं उवरिं अट्ठमंगलगा झया छत्तातिच्छत्ता, तेसिंणं थूभाणं चउद्दिसिं पत्तेयं २ मणिपेढियातो पं०, ताओ णं मणिपेढियातो अट्ठजोयणाई आयामविक्खंभेणं चत्तारि जोयणाई बाहल्लेणं सव्वमणिमईओ अच्छाओ जाव पडिरूवातो तेसिंणं मणिपेढियाणं उवरिं चत्तारिं जिणपडिमातो जिणुस्सेहपमाणमेत्ताओ संपलियंकनिसन्नाओ )भाभिमुहीओ सन्निक्खित्ताओ चिट्ठति तं०-उसभा वद्धमाणा चंदाणणा वारिसेणा, तेसिंणं थूभाणं पुरतो पत्तेयं २ मणिपेढियातो पं०, ताओ णं मणिपेढियातो सोलस जोयणाई आयामविक्खंभेणं अट्ठ जोयणाई बाहल्लेणं सव्वमणिमईओ जाव पडिरूवातो, तासिंणं मणिपेढियाणं उवरिं पत्तेयं २ चेइयरूक्खे पं०, ते णं चेइयरूक्खा अट्ठ जोयणाई उड्ढंउच्चत्तेणं अद्धजोयणं उव्वेहेणं जोयणाई खंधा अद्धजोयणं विक्खंभेणं छ जोयणाई विडिमा बहुमज्झदेसभाए अट्ठ जोयणाइं आयामविक्खंभेणं साइरेगाई अट्ठ जोयणाई सव्वग्गेणं पं०, ## ###55555555555555 श्री आगमगुणभंजूषा - ८१९ 455555555555555555555 GROK
明明明明明明明明明明明明明明明明明听听听听听听听听听听听听听听听听听乐坂乐乐乐乐乐乐明明乐乐乐乐風