Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 903

TAGR0555555555555555
(१२) उववाइअ [(१) उर्वगसुन , ]
१८)
Pागगगतात
1 115555555555555555555555555555555554331313NEPADA
अद्धाणगमणे, णो कप्पइ सगडं वा जाव संदमाणिअं वा दूरूहित्ताणं गच्छित्तए, तेसिंणं परिव्वायगाणं णो कप्पइ आसं वा हत्थिं वा उट्ट वा गोणिं वा महिसं वा खरं वा दुरूहित्ताणं गमित्तए, तेसिंणं परिव्वायगाणं णो कप्पइ नडपेच्छाइ वा जाव मागहपेच्छाइ वा पिच्छित्तए, तेसिं परिव्वायगाणं णो कप्पइ हरिआणं लेसणया वा घट्टणया वा थंभणया वा (लूसणया वा पा०) उप्पाडणया वा करित्तए, तेसिं परिव्वायगाणं णो कप्पइ इत्थिकहाइ वा भत्तकहाइ वा देसकहाइ वा रायकहाइ वा चोरकहाइ वा अणत्थदंडं करित्तए, तेसिंणं परिव्वायगाणं णो कप्पइ अयपायाई वा तउअपायाणि वा तंबपायाणि वा जसदपायाणि वा सीसगपायाणि वा रूप्पपायाणि
वा सुवण्णपायाणि वा अण्णयराणि वा बहुमुल्लाणि धारित्तए णण्णत्थ लाउपाएण वा दारूपाएण वा मट्टिआपाएणवा, तेसिंणं परिव्वायगाणं णो कप्पइ अयबंधणाणि $ वा तउअबंधणाणि वा तंबबंधणाणि जाव बहुमुल्लाणि धारित्तए, तेसिंणं परिव्वायगाणं णो कप्पइ णाणाविहवण्णरागत्ताई वत्थाइंधारित्तएणण्णत्थ एक्काए धाउरत्ताए,
तेसिंणं परिव्वायगाणं णो कप्पइ हारं वा अद्धहारं वा एक्कावलिं वा मुत्तावलिं वा कणगावलिं वा रयणावलिं वा मुरविं वा कंठमुरविं वा पालंबं वा तिसरयं वा कडिसुत्तं ॐ वा दसमुद्दिआणंतकं वा कडयाणि वा तुडियाणि वा अंगयाणि वा केऊराणि वा कुंडलाणि वा मउडं वा चूलामणिं वा पिणद्धित्तए णण्णत्थ एक्केणं तंबिएणं पवित्तएणं,
तेसिंणं परिव्वायगाणं णो कप्पइ गंथिमवे ढिमपूरिमसंघातिमे चउविहे मल्ले धारित्तए णण्णत्थ एगेणं कण्णपूरेणं, तेसिंणं परिव्वायगाणं णो कप्पइ अगुलएण वा चंदणेण वा कुंकमेण वा गायं अणुलिपित्तए णण्णत्थ एक्काए गंगामट्टिआए, तेसिं णं कप्पइ मागहए पत्थए जलस्स पडिगाहित्तए सेऽविय वमाणे णो चेव णं अवहमाणे सेऽविय थिमिओदए णो चेव णं कद्दमोदए सेऽविय बहुपसण्णे णो चेव णं अबहुपसण्णे सेऽविय परिपूए णो चेव णं अपरिपूए सेऽविय णं दिण्णे नो चेवणं अदिण्णे सेऽविय पिबित्तए णो चेव णं हत्थपायचरूचमसपक्खालणट्ठाए सिणाइत्तए वा, तेसिं णं परिव्वायगाणं कप्पइ मागहए अद्धाढए जलस्स पडिगाहित्तए सेऽविय वहमाणे णो चेवणं अवहमाणे जाव णो चेवणं अदिण्णे, सेऽविय हत्थपायचरूचमसपक्खालणट्ठयाए णो चेवणं पिबित्तए सिणाइत्तए वा, ते णं परिव्वायगा एयारूवेणं विहारेणं विहरमाणा बहूई वासाइं परियायं पाउणंति त्ता कालमासे कालं किच्चा उक्कोसेणं बंभलोए कप्पे देवत्ताए उववत्तारो भवंति तहिंतेसिंगई तहिंतेसिं ठिई दस सागरोवमाइं ठिई पं०, सेसं तं चेव १२ १३८। तेणं कालेणं अम्मडस्स परिव्वायगस्स सत्त अंतेवासिसयाई गिम्हकालसमयंसि जेट्ठामूलमासंसि गंगाए महानईए उभओकूलेणं कंपिल्लपुराओ णयराओ पुरिमतालं णयरं संपट्ठिया विहाराए, तए णं तेसिं परिव्वायगाणं तीसे अगामियाए छिण्णोवायाए दीहमद्धाए अडवीए कंचि देसंतरमणुपत्ताणं से पुव्वग्गहिए उदए अणुपुव्वेणंपरि जमाणे झीणे, तएणते परिव्वययाझीणोदगा समाणातण्हाएपारब्भमाणा २ उदगदातारमपस्समाणा अण्णमण्णं सद्दावेति त्ता एवं व०-एवं खलु देवाणुप्पिया! अम्ह इमीसे अगामिआए जाव अडवीए कंचि देसंतरमणुपत्ताणं से उदय जाव झीणे तं सेयं खलु देवाणुप्पिया! अम्ह इमीसे अगामियाए जाव अडवीए उदगदातारस्ससव्वओसमंता मग्गणगवेसणं करित्तएत्तिकटु अण्णमण्णस्स अंतिए एअमटुं पडिसुणंति त्ता तीसे अगामियाए जाव अडवीए उदगदातारस्स सव्वओ समंता मग्गणगवेसणं करेन्ति त्ता उदगदातारमलभमाणा दोच्वंपि अण्णमण्णं सद्दावेन्ति त्ता एवं व०-इह णं देवाणुप्पिया! उदगदातारोणत्थितं णो खलु कप्पइ अम्ह अदिण्णं गिण्हित्तए अदिण्णं सातिज्जित्तए तंमाणं अम्हे इयाणिं आवइकालंमिवि अदिण्णं गिण्हामो अदिण्णं सादिज्जामो मा णं अम्हं तवलोवे भविस्सइ, तं सेयं खलु अम्हं देवाणुप्पिया ! तिदंडयं कुंडियाओ य कंचणियाओ य करोडियाओ य भिसियाओ य छण्णालए य अंकुसए य केसरियाओ य पवित्तए य गणेत्तियाओ य छत्तए य वाहणाओ य पाउयाओ य धाउरत्ताओ य एगते एडित्ता गंगं महाणइं ओगहित्ता वालुअसंथारए संथरित्ता संलेहणाझूसणाझोसियाणं भत्तपाणपडियाइक्खियाणं पाओवगयाणं कालं अणवकंखमाणाणं विहरित्तएत्तिकटु अण्णमण्णस्स अंतिए एअमटुं पडिसुणंति त्ता तिदंडए य जाव एगते एडेइ त्ता गंगं महाणइं ओगाहेति त्ता वालुआसंथारए संथरंति वालुयासंथारयं दुरूहिति त्ता पुरत्थाभिमुहा संपलियंकनिसन्ना करयलजावकटु म एवं व०-णमोऽत्थु णं अरहताणं जाव संपत्ताणं, नमोऽत्थु णं समणस्स भगवओ महावीरस्स जाव संपाविउकामस्स, नमोऽत्थु णं अम्मडस्स परिव्वायगस्स अम्हं र धम्मायरियस्स धम्मोवदेसगस्स, पुव्विं णं अम्हे अम्मडस्स परिव्वायगस्स अंतिए थूलगपाणाइवावाए पच्चक्खाए जावज्जीवाए मुसावाए० अदिण्णादाणे पच्चक्खाए MORRO5555555555555 श्री आगमगुणमंजूषा - ७९८ 95555555555555555555FOTOR
乐乐听听听听听听听听听听听听乐听听听听听听听听听听听听听听听听听听听听听听听听乐乐乐乐乐乐乐乐FC