Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 496

NGO
(५) भगवई १२ सतं उ५ [१८४]
ॐॐॐॐॐॐ
भंते ! माया उवही नियडी वलये गहणे णूमे कक्के कुरूए जिम्हे किब्बिसे आयरणता गृहणया वंचणया पलिउंचणया सातिजोगे, एस णं कतिवण्णे कतिगंधे कतिरसे कतिफासे पन्नत्ते ? गोयमा ! पंचवण्णे जहेव कोहे । ६. अह भंते ! लोभे इच्छा मुच्छा कंखा गेही तण्हा भिज्झा अभिज्झा आसासणता पत्थणता लालप्पा कामासा भोगासा जीवियासा मरणासा नंदिरागे, एस णं कतिवण्णे० ? जहेव कोहे । ७. अह भंते! पेज्ने दोसे कलहे जाव मिच्छादंसणसल्ले, एस णं कतिवण्णे० ? जव कोहे तहेव जाव चउफासे । [सु. ८. पाणाइवायाईणं पंचण्हं वेरमणे कोहाईणं च तेरसहं विवेगे वण्ण-गंध-रस- फासअभावपरूवणं ]८. अह भंते ! पाणातिवायवेरमणे जाव परिग्गहवेरमणे, कोहविवेगे जाव मिच्छादंसणसल्लंविवेगे, एस णं कतिवण्णे जाव कतिफासे पन्नत्ते ? गोयमा ! अवण्णे अगंधे अरसे अफासे पन्नत्ते। [सु. ९-१२. उप्पात्तियाईसु चउसु बुद्धीसु, चउसु उग्गाहाईसु, पंचसु उट्ठाणाईसु सत्तमे य ओवासंतरे वण्ण-गंध रस- फासअभावपरूवणं ] ९. अह भंते ! उप्पत्तिया वेणइया कम्मया पारिणामिया, एस णं कतिवण्णा० ? तं चेव जाव अफासा पन्नत्ता । १०. अह भंते! उग्गहे ईहा अवाये धारणा, एस णं कतिवण्णा० ? एकं चेव जाव अफासा पन्नत्ता । ११. अह भंते! उट्ठाणे कम्मे बले वीरिए पुरिसक्कारपरक्कमे, एस णं कतिवण्णे० ? तं चेव जाव अफासे पन्नत्ते । १२. सत्तमे भंते!, ओवासंतरे कतिवण्णे० ? एवं चेव जाव अफासे पन्नत्ते । [सु. १३-१४. सत्तमे तणुवाए घणवाए घणोदधिम्मि सत्तमाए य पुढवीए वण्ण-गंध-रसफासपरूवणं ]१३. सत्तमे णं भंते! तणुवाए कतिवण्णे० ? जहा पाणातिवाए (सु. २) नवरं अट्ठफासे पन्नत्ते । १४. एवं जहा सत्तमे तणुवाए तहा सत्तमे घणवाए घोधी पुढवी । [सु. १५-१६. छट्टे ओवासंतरे वण्णाईणं अभावो, छट्टतणुवायाईसु सब्भावो य ]१५. छट्ठे ओवासंतरे अवण्णे । १६. तणुवाए जाव छट्ठा पुढवी, एयाई अट्ठ फासाई । सु. १७. सत्तमपुढवि व्व सेसपुढवीणं वण्णाइपरूवणानिद्दसो १७. एवं जहा सत्तमाए पुढवीए वत्तव्वया भणिया तहा जाव पढमाए पुढवीए भाणियव्वं । [सु. १८. जंबुद्दीवाईसु वण्णादिपरूवणा ] १८. जंबुद्दीवे जाव सयंभुरमणे समुद्दे, सोहम्मे कप्पे जाव ईसिपब्भारा पुढवी, नेरइयावासा जाव वेमाणियावासा, एयाणि सव्वाणि अट्ठफासाणि । [सु. १९-२५. चउव्वीसदंडएसु वण्ण-गंध-रस- फासपरूवणं ] १९. नेरइया णं भंते! कतिवण्णा जाव कतिफासा पन्नत्ता ? गोयमा ! वेउव्विय-तेयाई पडुच्च पंचवण्णा पंचरसा दुगंधा अट्ठफासा पन्नत्ता । कम्मगं पडुच्च पंचवण्णा पंचरसा दुगंधा चउफासा पन्नत्ता। जीवं पडुच्च अवण्णा जाव अफासा पन्नत्ता । २०. एवं जाव थणियकुमारा । २१. पुढविकाइया णं पुच्छा। गोयमा ! ओरालिय-तेयगाई पडुच्च पंचवण्णा जाव अट्ठफासा पन्नत्ता, कम्मगं पडुच्च जहा नेरइयाणं, जीवं पडुच्च तहेव । २२. एवं जाव चउरिदिया, नवरं वाउकाइया ओरालिय-वेउव्वियतेयगाइं पडुच्च पंचवण्णा जाव अट्ठफासा पन्नत्ता । सेसं जहा नेरइयाणं । २३. पंचिंदियतिरिक्खजोणिया जहा वाउकाइया । २४. मणुस्स णं० पुच्छा। ओरालिय-वेउव्विय- आहारग-तेयगाइं पडुच्च पंचवण्णा जाव अट्ठफासा पन्नत्ता । कम्मगं जीवं च पडुच्च जहा नेरइयाणं । २५. वाणमंतर जोतिसिय-वेमाणिया जहा नेरइया । [ सु. २६. धम्मत्थिकायाईसु वण्णइपरूवणं ]२६. धम्मत्थिक पोंग्गलत्थिकाए, एए सव्वे अवण्णा; नवरं पोग्गलत्थिकाए पंचवण्णे पंचरसे दुगंधे अट्ठफासे पन्नत्ते । [सु. २७-२९. अट्ठसु कम्मेसु, छसु य लेसासु वण्णइपरूवणं २७. नाणावरणिज्जे जाव अंतराइए, एयाणि चउफासाणि । २८. कण्हलेसा णं भंते! कइवण्णा० पुच्छा । दव्वलेसं पडुच्च पंचवण्णा जाव अट्ठफासा पन्नत्ता । भावलेसं पडुच्च अवण्णा अरसा अगंधा अफासा । २९. एवं जाव सुक्कलेस्सा। [सु. ३०. तिसु सम्मद्दिट्ठिआईसु, चउसु दंसणेसु, पंचसु नाणेसु, तिसु अन्नाणेसु, आहाराईसु •य चउसु सन्नासु वण्णाइअभावपरूवणं ] ३०. सम्मद्दिट्टि -मिच्छादिट्ठि सम्मामिच्छादिट्ठी, चक्खुदंसणे अचक्खुदंसणे ओहिंदंसणे केवलदंसणे, आभिनिबोहियनाणे जाव विभंगनाणे, आहारसन्ना जाव परिग्गहसण्णा, एयाणि अवण्णाणि अरसाणि अगंधाणि अफासाणि । [सु. ३१. पंचसु सरीरेसु तिसु य जोगेसु वण्णाइपरूवणं ]३१. ओरालियसरीरे जाव तेयगसरीरे, एयाणि अट्ठफासाणि । कम्मगसरीरे चउफासे । मणजोगे वइजोगे च चउफासे । कायजोगे अट्ठफासे । [सु. ३२. दोसु उवओगेसु वण्णाइअभावपरूवणं ] ३२. सागारोवयोगे य अणागारोवयोगे य अवण्णा० । [सु. ३३-३४. सव्वदव्व सव्वपदेस सव्वपज्जवेसु वण्णाइसब्भाव अभावपरूवणं ]३३. सव्वदव्वा णं भंते! कतिवण्णा० पुच्छा । गोयमा ! अत्थेगतिया सव्वदव्वा पंचवण्णा जाव अट्ठफासा पन्नत्ता । अत्थेगतिया सव्वदव्वा पंचवण्णा जाव चउफासा T YEKO श्री आगमगुणमंजूषा - ३९९