Page Text
________________
(५) भगवई ८ सतं उ८ [११५]
7666666666666666
सादिसपज्जवसियाइ - देससव्वाइबंधपरूवणा] १५ तं भंते! किं साईयं सपज्जवसियं बंधइ, साईयं अपज्जवसियं बंधइ, अणाईयं सपज्जवसियं बंधइ, अणाईय अपज्जवसियं बंधइ ? गोयमा ! साईयं सपज्जवसियं बंधइ, नो साईयं अपज्जवसियं बंधइ, नो अणाईयं सपज्जवसियं बंधइ, नो अणाईयं अपज्जवसियं बंधइ । १६. तं भंते ! किं देसेणं देसं बंधइ, देसेणं सव्वं बंधइ, सव्वेणं देसं बंधइ, सव्वेणं सव्वं बंधड़ ? गोयमा ! नो देसेणं देस बंधड़, णो देसेणं सव्वं बंधड़, नो सव्वेणं देसं बंधड़, सव्वेणं सव्वं बंधइ। [सु. १७-२०. विविहअवेक्खाए वित्थरओ संपराइयबंधसामिपरूवणा] १७. संपराइयं णं भंते! कम्मं किं नेरइयो बंधइ, तिरिक्खजोणीओ बंधइ, जाव देवी बंधइ ? गोयमा ! नेरइओ वि बंधइ, तिरिक्खजोणीओ वि बंधड़, तिरिक्खजोणिणी वि बंधइ, मणुस्सो वि बंधड़, मणुस्सी वि बंधड़, देवो वि बंधड़, देवी वि बंधइ । १८. तं भंते! किं इत्थी बंधइ, पुरिसो बंधइ, तहेव जाव नोइत्थीनोपुरिसोनोनपुंसओ बंधइ ? गोयमा ! इत्थी वि बंधइ, पुरिसो वि बंधइ, जाव नपुंसगो विबंध | अहवे य अवगयवेदो य बंधइ, अहवेए य अवगयवेया य बंधंति । १९. जइ भंते! अवगयवेदो य बंधइ अवगयवेदा य बंधंति तं भंते! किं इत्थीपच्छाकडो बंधइ, पुरिसपच्छाकडो एवं जहेव इरियावहियाबंधगस्स तहेव निरवसेसं जाव अहवा इत्थीपच्छाकडा य, पुरिसपच्छाकडा य, नपुंसगपच्छाकडा य बंधति । २०. तं भंते! किं बंधी बंध बंधिस्सइ; बंधी बंधइ न बंधिस्सइ २; बंधी न बंधइ, बंधिस्सइ ३; बंधी न बंधइ, न बंधिस्सइ ४ ? गोयमा ! अत्थेगतिए बंधी बंधइ बंधिस्स १; अत्थेगतिए बंधी बंध, न बंधिस्स २; अत्थेगतिए बंधी न बंधइ, बंधिस्सइ ३; अत्थेगतिए बंधी न बंधइ न बंधिस्सइ ४ । [सु. २१-२२. संपराइयबंधं पडुच्च सादिसपज्जवसियाइ - देससव्वाइबंधपरूवणा] २१. तं भंते ! किं साईयं सपज्जवसियं बंधइ ? पुच्छा तहेव । गोयमा ! साईयं वा सपज्जवसियं बंधइ, अणाईयं वा सपज्जवसियं बंधइ, अणाईयं वा अपज्जवसियं बंधइ, णो चेव णं साईयं अपज्जवसियं बंधइ । २२. तं भंते! किं देसेणं देसं बंधइ ? एवं जहेव इरियावहियाबंधस्स जाव सव्वेणं सव्वं बंधइ । [सु. २३. कम्मपयडिभेयपरूवणा] २३. कइ णं भंते ! कम्मपयडीओ पण्णत्ताओ ? गोयमा ! अट्ट कम्मपयडीओ पण्णत्ताओ, तं जहाणाणावर णिज्जं जाव अंतराइयं । [ सु. २४. परीसहभेयपरूवणा] २४. कइ णं भंते! परीसहा पण्णत्ता ? गोयमा ! बावीसं परीसहा पण्णत्ता, तं जहा- दिगिंछापरीसहे १, पिवासापरीसहे २, जाव दंसणपरीसहे २२ । [सु. २५-२९. चउसु कम्मपयडीसु परीसहसंखापरूवणा] २५. एए णं भंते! बावीसं परीसहा कतिसु कम्मपगडीसु समोयरंति ? गोयमा ! चउसु कम्मपयडीसु समोयरंति, तं जहा- नाणावरणिज्जे, वेयणिज्जे, मोहणिज्जे, अंतराइए । २६. नाणावरणिज्जे णं भंते! कम्मे कति परीसहा समोरंति ? गोयमा ! दो परीसहा समोयरंति, तं जहां पण्णापरीसहे नाणपरीसहे य । २७. वेयणिज्जे णं भंते! कम्मे कति परीसहा समोयरंति ? गोयमा ! एक्कारस परीसहा समोरंति, तं जहा- "पंचेव आणुपुव्वी, चरिया, सेज्जा, वहे य, रोगे य । तणफास जल्लमेव य एक्कारस वेदणिज्जम्मि" ॥१॥ २८. (१) दंसणमोहणिज्जे भंते! कति परीसहा समोयरंति ? गोयमा ! एगे दंसणपरीसहे समोयरइ । (२) चरित्तमोहणिज्जे णं भंते! कम्मे कति परीसहा समोयरंति ? गोयमा ! सत्त परीसहा समोरंति, तं जहा- "अरती अचेल इत्थी निसीहिया जायणा य अक्कोसे। सक्कारपुरक्कारे चरित्तमोहम्मि सत्तेते ॥ २॥ २९. अंतराइए णं भंते! कम्मे कति परीसहा समोयरंति ? गोयमा ! एगे अलाभपरीसहे समोयरइ । [सु. ३०-३४. अट्ठविह- सत्तविह छव्विह एक्कविहबंधगे अबंधगे य परीसहसंखापरूवणा] ३०. सइविहबंधगस्स णं भंते! कति परीसहा पण्णत्ता ? गोयमा ! बावीसं परीसहा पण्णत्ता, वीसं पुण वेदेइ-जं समयं सीयपरीसहं वेदेति णो तं समयं उसिणपरीसहं वेदेइ, जं समयं उसिणपरीसहं वेदे णो तं समयं सीयपरीसहं वेदेइ । जं समयं चरियापरीसहं वेदेति णो तं समयं निसीहियापरीसहं वेदेति, जं समयं निसीहियापरीसह वेदे णो तं समयं चरियापरीसहं वेदेइ । ३१. अट्ठविहबंधगस्स णं भंते! कति परीसहा पण्णत्ता ? गोयमा ! बावीसं परीसहा पण्णत्ता० एवं (सु. ३०) अट्ठविहबंधगस्स । ३२. छव्विहबंधगस्स णं भंते । सरागछउमत्थस्स कति परीसहा पण्णत्ता ? गोयमा ! चोद्दस परीसहा पण्णत्ता, बारस पुण वेदेइ-जं समयं सीयपरीसहं वेदे णो तं समयं उसिणपरीसहं वेदेइ, जं समयं उसिणपरीसहं वेदेइ नो तं समयं सीयपरीसहं वेदेइ । जं समयं चरियापरीसहं वेदेति णो तं समयं सेनापरीसहं वेदेइ, जं समयं सेज्जापरीसहं वेदेति णो तं समयं चरियापरीसहं वेदेइ । ३३. (१) एक्कविहबंधगस्स णं भंते ! वीयरागछउमत्थस्स कति परीसहा ॐ श्री आगमगुणमंजूषा - ३३०
55
20
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |