Page Text
________________
(५) भगवई ८ सतं उ८ [११४]
पण्णत्ता, तं जहा कुलपडिणीए गणपडिणीए संघपडिणीए । ५. अणुकंप पडुच्च० पुच्छा । गोयमा ! तओ पडिणीया पण्णत्ता, तं जहा तवस्सिपडिणीए गिलाणपडिणीए सेहपडिणीए । ६. सुयं णं भंते! पडुच्च० पुच्छा। गोयमा ! तओ पडिणीया पण्णत्ता, तं जहा सुत्तपडिणीए अत्यपडिणीए तदुभयपडिणीए । ७. भावं णं भंते ! पडुच्च० पुच्छा। गोयमा ! तओ पडिणीया पण्णत्ता, तं जहा नाणपडिणीए दंसणपडिणीए चरित्तपडिणीए । [सु. ८. पंचविहववहारपरूवणा] ८. कइविहे णं भंते ! ववहारे पण्णत्ते ? गोयमा ! पंचविहे ववहारे पण्णत्ते, तं जहा आगम-सुत - आणा धारणा जीए। जहा से तत्थ आगमे सिया, आगमेणं ववहारं पट्टवेज्जा । ण य से तत्थ आगमे सिया; जहा से तत्थ सुते सिया सुएणं ववहारं पट्टवेज्जा । णो वा से तत्थ सुए सिया; जहा से तत्थ आणा सिया, आणाए ववहारं पवेज्जा | णो य से तत्थ आणा सिया; जहा से तत्थ धारणा सिया धारणाए ववहारं पट्टवेज्जा । णो य से तत्थ धारणा सिया; जहा से तत्थ जीए सिया जीएणं ववहारं पट्ठवेज्जा । इच्चेएहिं पंचहिं ववहारं पट्टवेज्जा, तं जहा आगमेणं सुएणं आणाए धारणाए जीएणं। जहा जहा से आगमे सुए आणा धारणा जीए तहा तहा ववहारं पट्टवेज्जा । [सु. ९. पंचविहववहारववहरमाणे निम्गंथे आराहए] ९. से किमाहु भंते! आगमबलिया समणा निग्गंथा इच्चेयं पंचविहं ववहारं जया जया जहिं जहिं तया तया तहिं तहिं अणिस्सिओवस्सितं सम्मं ववहरमाणे समणे निग्गंथे आणाए आराहए भवइ ? सु. १०. बंधस्स भेयजुगपरूवणा १०. कइविहे णं भंते! बंधे पण्णत्ते ? गोयमा ! दुविहे बंधे पण्णत्ते, तं जहा इरियावहियाबंधे य संपराइयबंधे य। [सु. ११-१४. विविहअवेक्खाए वित्थरओ इरियावहियबंधसामिपरूवणा] ११. इरियावहियं णं भंते ! कम्मं किं नेरइओ बंधड़, तिरिक्खजोणिओ बंधइ, तिरिक्खजोणिणी बंधइ, मणुस्सो बंधइ, मणुस्सी बंधइ, देवो बंधइ, देवी बंधइ ? गोयमा ! नो नेरइओ बंधइ, नो तिरिक्खजोणीओ बंधड़, नो तिरिक्खजोणिणी बंधइ, नो देवो बंधइ, नो देवी बंधइ, पुव्वपडिवन्नए पडुच्च मणुस्सा य, मणुस्सीओ य बंधंति, पडवज्जमा पडुच्च मणुस्सो वा बंधइ १, मणुस्सी वा बंधइ २, मणुस्सा वा बंधंति ३, मणुस्सीओ वा बंधंति ४, अहवा मणुस्सो य मणुस्सी य बंधइ ५, अहवा
सो मणुसीओ बंधंति ६, अहवा मणुस्सा य मणुस्सी य बंधंति ७, अहवा मणुस्सा य मणुस्सीओ य बंधंति ८ । १२. तं भंते ! किं इत्थी बंधइ, पुरिसो बंधइ, नपुंसगो बंधति, इत्थीओ बंधंति, पुरिसा बंधंति, नपुंसगा बंधंति ? नोइत्थीनोपुरिसोनोनपुंसगो बंधइ ? गोयमा ! नो इत्थी बंधइ, नो पुरिसो बंधइ जाव नो नपुंसओ बंध । पुव्वपडिवन्नए पडुच्च अवगयवेदा बंधंति, पडिवज्जमाणए य पडुच्च अवगयवेदो वा बंधति, अवगयवेदा वा बंधंति । १३. जइ भंते! अवगयवेदो वा बंध, अवयवेदा वा बंधंति तं भंते! किं इत्थीपच्छाकडो बंधइ १, पुरिसपच्छाकडो बंधइ २, नपुंसकपच्छाकडो बंधइ ३, इत्थीपच्छाकडा बंधंति ४, पुरिसपच्छाकडा वि बंधंति ५, नपुंसगपच्छाकडा वि बंधंति ६, उदाहु इत्थिपच्छाकडो य पुरिसपच्छाकडो य बंधति ४, उदाहु इत्थीपच्छाकडो य णपुंसगपच्छाकडो य बंधइ ४, उदाहु पुरिसपच्छाकडो य णपुंसगपच्छाकडो य बंधइ ४, उदाहु इत्थिपच्छाकडो य पुरिसपच्छाकडो य णपुंसगपच्छाकडो य भाणियव्वं ८, एवं एते छव्वीसं भंगा २६ जाव उदाहु इत्थीपच्छाकडा य पुरिसपच्छाकडा य नपुंसकपच्छाकडा य बंधंति ? गोयमा ! इत्थिपच्छाकडो वि बंधइ १, पुरिसपच्छाकडो वि बंधइ २ नपुंसगपच्छाकडो वि बंधइ ३, इत्थीपच्छाकडा वि बंधंति ४, पुरिसपच्छाकडा वि बंधंति ५, नपुंसकपच्छाकडा वि बंधंति ६, अहवा इत्थीपच्छाकडो य पुरिसपच्छाको य बंधइ ७, एवं एए चेव छव्वीसं भंगा भाणियव्वा जाव अहवा इत्थिपच्छाकडा य पुरिसपच्छाकडा य नपुंसगपच्छाकडा य बंधति । १४. तं भंते! किं बंधी बंधइ बंधिस्सइ १, बंधी बंधइ न बंधिस्सइ २, बंधी न बंधइ बंधिस्सइ ३, बंधी न बंधइ न बंधिस्सइ ४, न बंधी बंधइ बंधिस्सइ ५, न बंधी बंधइ न बंधिस्सइ ६, न बंधी नबंध बंधिस्स ७, न बंधी न बंधइ न बंधिस्सइ ८ ? गोयमा ! भवागरिसं पडुच्च अत्थेगतिए बंधी बंधइ बंधिस्सइ । अत्थेगतिए बंधी बंधड़ न बंधिस्सइ । एवं तं चैव सव्वं जाव अत्येतिए न बंधी न बंधइ न बंधिस्सइ । गहणागरिसं पडुच्च अत्थेगतिए बंधी, बंधइ, बंधिस्सइ, एवं जाव अत्थेगतिए न बंधी, बंधइ, बंधिस्स । णो चेव णं न बंधी, बंधइ, न बंधिस्सइ । अत्थेगतिए न बंधी, न बंधइ, बंधिस्सइ । अत्थेगतिए न बंधी, न बंधइ, न बंधिस्सइ । [सु. १५-१६. इरियावहियबंधं पडुच्च
फ्र
श्री आगमगुणमंजूषा - ३२९
फ़फ़
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |