Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 1350

ISO55555555555555明
(१८) जंबूदीवपन्नत्ति वक्खारो ५
६१]
$55%%%%%%%%%%%%界
To
以2G乐乐乐乐乐听听听听听听听听听乐听听听听听听听听听听听听听听听听乐乐场乐乐乐$$$$乐乐听听听听听%5CC以
रइकरगपव्वए, ईसाणगाणं माहिंदलंतगसहस्सारअच्चुअगाण यइंदाणं महाघोसा घण्टा लहुपरक्कमो पायत्ताणीआहिवई दक्खिणिल्ले णिज्जाणमग्गे उत्तरपुरथिमिल्ले रइकरगपव्वए, परिसाणं जहा जीवाभिगमे, आयरक्खा सामाणियचउग्गुणा सव्वेसिं, जाणविमाणा सव्वेसिंजोयणसयसहस्सविच्छिण्णा उच्चत्तेणं सविमाणप्पमाणा, महिंदज्झया सव्वेसिंजोयणसाहस्सिया, सक्कवज्जा मंदरे समोअरंति जाव पज्जुवासंति ।११९। तेणं कालेणं० चमरे असुरिन्दे असुरराया चमरचञ्चाए रायहाणीए सभाए सुहम्माए चमरंसि सीहासणंसि चउसठ्ठीए सामाणिअसाहस्सीहिं तायत्तीसाए तायत्तीसेहिं चउहि लोगपालेहिं पञ्चहिं अग्गमहिसीहिं सपरिवाराहिं तीहिं परिसाहिं सत्तहिं अणिएहिं सत्तहिं अणियाहिवईहिं चउहिं चउसट्ठीहिं आयरक्खसाहस्सीहि अण्णेहिं अजहा सक्के णवरं इमंणाणत्तं दुमो पायत्ताणीआहिवई ओघस्सरा घंटा विमाणं पण्णासं जोअणसहस्साइं महिन्दज्झओ पञ्चजोअणसयाइं विमाणकारी आभिओगिओ देवो अवसिटुं तंचेव जाव मन्दरे समोसरइ पज्जुवासइ, तेणं कालेणं० बली असुरिन्दे एवमेव णवरं सट्ठी सामाणिअसाहस्सीओ चउग्गुणा आयरक्खा महादुमो पायत्ताणीआहिवई महाओहस्सरा घण्टा सेसं तंचेव, परिसाओ जहा जीवाभिगमे, तेणं कालेणं० धरणे तहेव, णाणत्तं छ सामाणिअसाहस्सीओ छ अग्गमहिसीओ चउग्गुणा आयरक्खा मेघस्सरा घण्टा भद्दसेणो पायत्ताणीयाहिवई विमाणं पणवीसं जोअणसहस्साई महिंदज्झओ अद्धाइज्जाइं जोअणसयाई एवमसुरिन्दवज्जिआणं भवणवासिइंदाणं, णवरं असुराणं ओघस्सरा घण्टा णागाणं मेघस्सरा सुवण्णाणं हंसस्सरा विज्जूणं कोंचस्सरा अग्गीणं मंजुस्सरा दिसाणं मंजुघोसा उदहीणं सुस्सरा दीवाणं महुंरस्सरा वाऊणं णंदिस्सरा थणिआणं णंदिघासा, चउसट्ठी सट्ठी खलु छच्च सहस्सा उ असुरवज्जाणं ।सामाणिआउएएचउग्गुणा आयरक्खा उ॥७९|| दाहिणिल्लं पायत्ताणीआहिवई भद्दसेणो उत्तरिल्लाणं दक्खो, वाणमन्तरजोइसिआ णेअव्वा एवं चेव, णवरं चत्तारि सामाणिअसाहस्सीओ चत्तारि अग्गमहिसीओ सोलस आयरक्खसंहस्सा विमाणा सहस्सं महिन्दज्झया पणुवीसं जोअणसयं घण्टा दाहिणाणं मंजुस्सरा उत्तराणं मंजुघोसा पायत्ताणीआहिवई विमाणकारी य आभिओगा देवा जोइसिआणं सुस्सरा सुस्सरणिग्घोसाओ घण्टाओ मन्दरे समोसरणं जाव पज्जुवासंति ।१२०। तए णं से अच्चुए देविदे देवराया महं देवाहिवे आभिओगे देवे सद्दावेइ त्ता एवं वयासी-खिप्पामेव भो देवाणुप्पिया ! महत्थं महग्धं महारिहं विउलं तित्थयराभिसेयं उवट्ठवेह, तए णं ते आभिओगा देवा हट्ठतुट्ठ जाव पडिसुणित्ता उत्तरपुरस्थिमं दिसीभागं अवक्कमंति त्ता वेउब्वियसमुग्घाएणं जाव समोहणित्ता अट्ठसहस्सं सोवण्णिअकलसाणं एवं रूप्पमयाणं मणिमयाणं सुवण्णरूप्पमयाणं सुवण्णमणिमयाणं रूप्पमणिमयाणं सुवण्णरूप्पमणिमयाणं अट्ठसहस्संभोमिज्जाणं अट्ठसहस्संचंदणकलसाणं एवं भिंगाराणं आयंसाणं थालाणं पाईणं सुपइट्ठगाणं चित्ताणं रयणकरंडगाणं वायकरगाणं पुप्फचंगेरीणं, एवं जहा सूरियाभस्स, सव्वचंगेरीओ सव्वपडलगाइं० विसेसियतराई भाणियव्वाइं, सीहासणच्छत्तचामरतेल्लसमुग्गजावसरिसवसमुग्गा तालिअंटा जाव अट्ठसहस्सं कडुच्छुगाणं विउव्वंति त्ता साहाविए विउव्विए य कलसे जाव कडुच्छुए य गिण्हित्ता जेणेव खीरोदए समुद्दे तेणेव आगम्म खीरोदगं गिण्हति त्ता जाई तत्थ उप्पलाई पउमाइं जाव सहस्सपत्ताई ताई गिण्हंति, एवं पुक्खरोदाओ जाव भरहेवयाणं मागहाईण तित्थाणं उदगं मट्टिअंच गिण्हंति त्ता एवं गंगाईणं महाणईणं जाव चुल्लहिमवंताओ सव्वतुयरे सव्वपुप्फे सव्वगंधे सव्वमंल्ले जाव सव्वोसहीओ सिद्धत्थए य गिण्हंति त्ता पउमद्दहाओ दहोअगं उप्पलादीणि य एवं सव्वकुलपव्वएसुवट्टवेअद्धेसु सव्वमहद्दहेसु सव्ववासेसु सव्वचक्कवट्टिविजयएसु वक्खारपव्वएसु अंतरणईसु विभासिज्जा जाव उत्तरकुरूसुजाव सुदंसणभद्दसालवणे सव्वतुयरे जाव सिद्धत्थए य गिण्हंति, एवं णंदणवणाओ सव्वतुयरे जाव सिद्धत्थए य सरसं च गोसीसचंदणं दिव्वं च सुमणोदामं गेण्हंति, एवं सोमणसपंडगवणाओ य सव्वतुयरे जाव सुमणसदामं दद्दरमलयसुगंधे य गिण्हंति त्ता एगओ मिलायंति त्ता जेणेव सामी तेणेव उवागच्छंति त्ता महत्थं जाव तित्थयराभिसेयं उवट्ठवेति ।१२१। तए णं से अच्चुए देविन्दे दसहिं सामाणियसाहस्सीहिं जाव आयरक्खदेवसाहस्सीहिं सद्धिं संपरिवुडे तेहिं साभाविएहिं विउविएहिं य वरकमलपइट्ठाणेहिं सुरभिवरवारिपडिपुण्णेहिं चन्दणकयचच्चाएहिं आविद्धकंठेगुणेहिं पउमुप्पलपिहाणोहिं करयलसुकुमारपरिग्गहिएहिं अट्ठसहस्सेणं सोवणियाणं कलसाणं जाव
乐乐听听听听听听听听听听听听听听听听听听听听听听听听听听听听听听听听听听听听听听听听听听听听听听
Mero
9555555555555555
श्री आगमगुणमंजूषा - १२४३॥
55555 55555OOR