Page Text
________________
[3]
(१८) जंबूदीवपत्ति वक्खारो २ परिभोगत्ताए हव्वमागच्छंति, अत्थि णं भंते ! भरहे वासे सीहाइ वा वग्घाइ वा विगदीविग अच्छतरच्छसि आलबिडालसुणगकोकंतियकोलसुणगाइ वा ?, हं अत्थि, णो चेव णं तेसिं मणुआणं आबाहं वा वाबाहं वा छविच्छेअं वा उप्पार्येति, पगइभद्दया णं सावयगणा पं० समणाउसो !, अत्थि णं भंते! भरहे वासे सालीति वावीहिगोहूमजवजवजवाइ वा कलममसूरमुग्गमासतिलकुलत्थणिप्फावआलिसंदगअयसिकुसुंभकोद्दवकंगुवरालगसणसरिसवमूलगबीआइ वा ?, हंता अत्थि, णो चेवणं तेसिं मणुआणं परिभोगत्ताए हव्वमागच्छति, अत्थि णं भंते! भरहे वासे गड्डाइ वा दरीओवायपवायविसमविज्जलाइ वा ?, णो इणट्ठे समट्ठे, भरहे णं वासे बहुसमरमणिज्जे भूमिभागे पं० से जहाणामए आलिंगपुक्खरेड् वा०, अत्थि णं भंते ! भरहे वासे खाणूइ वा कंटगतणकयवराइ वा पत्तकयवराइ वा ?, णो इट्टे समट्ठे, ववगयखाणुकंटगतणकयवरपत्तकयवरा णं सा समा पं० समणाउसो !, अत्थि णं भंते ! भरहे वासे डंसाइ वा मसगाइ वा जूआइ वा लिक्खाइ वा ढिकुणाइ वा पिसुआइ वा ?, णो इणट्ठे समट्ठे, ववगयडंसमसगजूअलिक्खढिकुणपिसुआ उवद्दवविरहिआ णं सा समा पं०, अत्थि णं भंते ! भरहे अहीइ वा अयगराइ वा ?, हंता अत्थि, णो चेव णं तेसिं मणुआणं आबाहं वा जाव पगइभद्दया णं ते वालगगणा पं०, अत्थि णं भंते ! भरहे डिंबाइ वा डमराइ वा कलहबोलखारवइरमहाजुद्धाइ वा महासंगामाइ वा महासत्थपडणाइ वा महापुरिसपडणाइ वा महारूहिरपडणाइ वा ?, गो० ! णो इणट्ठे समट्ठे, ववगयवेराणुबंधा णं ते मणुआ पं० सम० !, अस्थि णं भंते ! भरहे वासे दुब्भूआणि वा कुलरोगाइ वा गामरोगाइ वा मंडलरोगाइ वा पोट्ठ० सीसवेअणाइ वा कण्णोट्ठअच्छिणहदंतवेअणाइ वा कासाइ वा सासाइ वा सोसाइ वा दाहाइ वा अरिसाइ वा अजीरगाइ वा दओदराइ वा पंडुरोगाइ वा भगंदराइ वा एगाहिआइ वा बेआहिआइ वा तेआहिआइ वा चउत्थाहिआइ वा इंदग्गहाइ वा धणुग्गहाइ वा खंदग्गहाइ वा कुमारग्गहाइ वा जक्खग्गहाइ वा भूअग्गहाइ वा मत्थयसूलाइ वा हियअसूलाइ वा पोट्ट० कुच्छि० जोणिसूलाइ वा गाममारीइ वा जाव सण्णिवेसमारीइ वा पाणिक्खया जणक्खया कुलक्खया वसणब्भूअमणारिआ ?, गो० ! णो इणट्टे समट्ठे, ववगयरोगायंका णं ते मणुआ पं० समणाउसो ! | २५ | तीसे णं भंते! समाए भारहे वासे मणुआणं केवइअं कालं ठिई पं० १, गो० ! जह० देसूणाई तिण्णि पलिओवमाइं उक्को० तिण्णि पलिओवमाई, तीसे णं भंते ! समाए भारहे वासे मणुआणं सरीरा केवइअं उच्चत्तेणं पं० ?, गो० ! जह० देसूणाई तिण्णि गाउआई उक्को० तिण्णि गाउआई, ते णं भंते! मणुआ किंसंघयणी पं० ?, गो० ! वइरोसभणारायसंघयणी पं०, तेसिं णं भंते! मणुआणं सरीरा किंसंठिआ पं० ?, गो० ! समचउरंससंठाणसंठिआ, तेसिं णं मणुआणं बेछप्पण्णा पिट्ठकरंडयसया पं० समणाउसो !, ते णं भंते! मणुआ कालमासे कालं किच्चा कहिं गच्छन्ति कहिं उववज्र्ज्जति ?, गो० ! छम्मासावसेसाउआ जुअलगं पसवंति, एगूणपणं इंदिआई सारक्खंति संगोवेंति त्ता कासित्ता छीइत्ता जंभात्ता अक्किट्ठा अव्वहिआ अपरिआविआ कालमासे कालं किच्चा देवलोएसु उववज्जंति, देवलोअपरिग्गहाणं ते मणुआ पं० सम० !, तीसे णं भंते! समाए भरहे वासे कइविहा मणुस्सा अणुसज्जित्था ?, गो० ! छव्विहा तं० पम्हगंधा मिअगंधा अममा ते अतली सहा सणिचारी । २६। तीसे णं समाए चउहिं सागरोवमकोडाकोडीहिं काले वीइक्कंते अणतेहिं वण्णपज्जवेहिं गंध० अणतेहिं रस० अणतेहिं फास० अणतेहिं संघयण० अणंतेहिं संठाण० अणंतेहिं उच्चत्त० अणंतेहिं आउ० अणंतेहिं गुरूलहु० अणंतेहिं अगुरूलहु० अणंतेहिं उट्ठाणकम्मबलवीरिअपुरिसकारपरक्कमपज्जवेहिं अणंतगुणपरिहाणीए परिहायमाणे एत्थ णं सुसमा णामं समाकाले पडिवज्जिसु समणाउसो !, जंबुद्दीवे णं भंते! दीवे इमीसे ओसप्पिणीए सुसमाए समाए उत्तमकट्ठपत्ताए भरहस्स वासस्स केरिसए आयारभावपडोयारे होत्था ?, गो० ! बहुसमरमणिज्ने भूमिभागे होत्था, से जहाणामए आलिंगपुक्खरेइ वा तं चेव जं सुसमसुसमाए पुव्ववण्णिअं णवरं णाणत्तं चउधणुसहस्समूसिआ एगे अट्ठावीसे पिट्टकरंडकसए छट्टभत्तस्स आहारट्टे चउसट्ठि राइदिआई सारक्खंति दो पलिओवमाइं आऊ सेसं तं चेव, तीसे णं समाए चउव्विहा मणुस्सा अणुसज्जित्था तं०- एका पउरजंघा कुसुमा सुसमणा । २७। तीसे णं समाए तीहिं सागरोवमकोडाकोडीहिं काले वीइक्कं अणंतेहिं वण्णपज्जवेहिं जाव अनंतगुणपरिहाणीए परिहायमाणे एत्थ णं सुसमदुस्समाणामं समाकाले पडिवज्जिसु समणाउसो !, साणं समा तिहा विभज्जइ तं०
श्री आगमगुणमंजूषा ११९१ फफफफफफ
६ ६ ६ ६ ६ ६ ॐ ॐ
ॐॐॐॐॐॐॐॐॐ
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |