Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 1297

C%乐听听听听听听听听听听听听听听听听听听听听听听听听听听听听听听听听听听听听听听乐明明明明明明明明5C
GOO五五五五五五五五步步步步步步步明
(१८) जंबूदीवपन्नत्ति वक्खारो२ []
55555555555552.08 पउमुप्पलगन्धसरिसणीसासुरभिवयणा, ते णं मणुआ पगईपयणुकोहमाणमायालोभा मिउमद्दवसंपन्ना अल्लीणा भद्दगा विणीआ अप्पिच्छा असण्णिहिसंचया विडिमंतरपरिवसणा अहिच्छिअकामकामिणा ।२२। तेसिं णं भंते ! मणुआणं केवइकालस्स आहारट्ठे समुप्पज्जइ ?, गो० ! अट्ठमभत्तस्स आहारट्ठे समुप्पज्जइ, पुढवीपुप्फफलाहाराणं ते मणुआ पं० समणाउसो!, तीसे णं भंते ! पुढवीए केरिसए आसाए पं०?, गो० ! से जहाणामए गुलेइ वा खंडेइ वा सक्कराइ वा मच्छंडिआइ वा पप्पडमोअएइ वा भिसेति वा पुप्फुत्तराइ वा पउमुत्तराइ वा विजयाइ वा महाविजयाइ वा आकासिआइ वा आदंसिआइ वा आगासफलोवमाइ वा उग्गाइ वा अणोवमाइ वा, भवे एआरूवे ?, णो इणमढे समढे, सा णं पुढवी इत्तो इट्टतरिआ चेव जाव मणामतरिआ चेव आसाएणं पं०, तेसिंणं भंते ! पुप्फफलाणं केरिसए आसाए पं०?, गो० ! से जहाणामए रण्णो चाउरंतचक्कवट्टिस्स कल्लाणे भोअणजाए सयसहस्सनिप्फन्ने वण्णेणुववेए जाव फासेणं उववेए आसायणिज्जे विसाणिज्जे दप्पणिज्जे मयणिज्जे विहणिज्जे सव्विदिअगायपल्हायणिज्जे, भवे एआरूवे?, णो इणमढे समढे, तेसिंणं पुप्फफलाणं एत्तो इठ्ठतराए चेव जाव आसाए पं०।२३। ते ' णं भंते ! मणुया तमाहारमाहारेत्ता कहिं वसहिं उवेति?, गो० ! रूक्खगेहालया णं ते मणुया पं० समणाउसो!, तेसिंणं भंते ! रूक्खाणं केरिसए आयारभावपडोआरे पं०?, गो० ! कूडागारसंठिआ पेच्छाच्छत्तझयथूभतोरणगोपुरवेइअचोप्फालग-अट्टालगपासायहम्मिअगवक्खवालग्गपोइआवलभीघरसंठिआ अत्थऽण्णेऽपेत्थ बहवे वरभवणविसिट्ठसंठाणसंठिआ दुमगणा सुहसीअलच्छाया पं० समणाउसो!।२४। अत्थि णं भंते ! तीसे समाए भरहे वासे गेहाइ वा गेहावणाइ वा?, गो० ! णो इणट्ठ समढे, रूक्खगेहालया णं ते मणुआ पं० समणाउसो!, अत्थि णं भंते ! तीसे समाए भरहे वासे गामाइ वा जाव संणिवेसाइ वा ?, गो० ! णो इणढे समढे, जहिच्छिअकामगामिणो णं ते मणुआ पं०, अत्थि णं भंते !० असीइ वा मसीइ वा किसीइ वा वणिएत्ति वा पणिएत्ति वा वाणिज्जेइ वा ?, णो इणढे समढे, ववगयअसिमसिकि सिवणिअपणिअवाणिज्जा णं ते मणुआ पं० समणाउसो !, अत्थि णं भंते ! हिरण्णेइ वा सुवण्णेइ वा के सेइ वा दूसेइ वा मणिमोत्तिअसंखसिलप्पवालरत्तरयणसावइज्जेइ वा ?, हंता अत्थि, णो चेवणं तेसिं मणुआणं परिभोगत्ताए हव्वमागच्छइ, अत्थि णं भंते ! भरहे रायाइवा जुवरायाइ वा ईसरतलवरमाडंबिअकोडुबिअइब्भसेट्ठिसेणावइसत्थवाहाइ वा ?, गो० ! णो इणढे समटे, ववगयइड्डिसक्काराणं ते मणुआ, अत्थि णं भंते ! भरहे वासे दासेइ वा पेसेइ वा सिस्सेइ वा भयगेइ वा भाइल्लएइ वा कम्मयरएइ वा ?, णो इणढे समढे, ववगयअभिओगा णं ते मणुआ पं० समणाउसो!, अत्थि णं भंते ! तीसे समाए भरहे वासे मायाइ वा पियाइ वा भाया० भगिणी० भज्जा० पुत्त० धूआ० सुण्हाइ वा ?, हंता अत्थि, णो चेव णं तिव्वे पेम्मबंधणे समुप्पज्जइ, अत्थि णं भंते ! भरहे वासे अरीइ वा वेरिएइ वा घायएइ वा वहएइ वा पडिणीयए वा पच्चमित्तेइ वा ?, णो इणढे समढे, ववगयवेराणुसया णं ते मणुआ पं० समणाउसो!, अत्थिणं० भरहे वासे मित्ताइ वा वयंसाइ वाणायएइ वा संघाडिएइ वा सुहीइ वा संगएइति वा ?, हंता अस्थि, णो चेवणं तेसिंमणुआणं तिव्वे रागबंधणे समुप्पज्जइ, अत्थिणं भंते ! भरहे वासे आवाहाइ वा वीवाहाइ वा जण्णाइ वा सद्धाइ वा थालीपागाइ वा पितिपिंड निवेदणाइ वा ?, णो इणढे समढे, ववगयआवाहवीवाहजण्णसद्धथालीपाकपितिपिंडनिवेदणा णं ते मणुआ पं० समणाउसो!, अत्थि णं भंते ! भरहे वासे इंदमहाति वा खंद० णाग० जक्ख० भूअ० अगड० तडाग० दह० णदी० रूक्ख० पव्वय० थूभ० चेइयमहाइ वा ?, णो इणढे समढे, ववगयमहिमा णं ते मणुआ पं०, अत्थि णं भंते ! भरहे-वासेणडपेच्छाइ वा णट्ट० जल्ल० मल्ल० मुट्ठिअ० वेलबग० कहग० पवग० लासगपेच्छाइ वा?, णो इणढे समढे, ववगयकोउहल्ला णं ते मणुआ पं० समणाउसो!, अत्थि णं भंते ! भरहे वासे सगडाइ वा रहाइ वा जाणाइ वा जुग्गा० गिल्लि थिल्लि० सीअ० संदमाणिआइ वा ?, णो इणढे समढे, पायचारविहाराणं ते मणुआ पं० समणाउसो!, अत्थि णं
भंते भरहे वासे गवाइ वा महिसीइ वा अयाइ वा एलगाइ वा ?, हंता अत्थि, णो चेव णं तेसिं मणुआणं परिभोगत्ताए हव्वमागच्छंति, अत्थि णं भंते ! भरहे वासे म आसाइ वा हत्थि० उट्ट० गोण० गवय० अय० एलग० पसय० मिअ० वराह० रूरू० सरभ० चमर० कुरंगगोकण्णमाइआ ?, हंता अत्थि, णो चेव णं तेसि
NO.0年历听听听听听听听听听听听听听听听听听听听听听听听听听听听听听听听听听听听听听听听听听听听听听听听2
(D Education international 2010-03
steporner MOTIO5555555555555555555555 श्री आगमगुणमंजूषा- ११९०555555555555555555555555555OK