________________
। अहम् ॥ ऐतिहासिक जैन काव्य संग्रह ॥ श्री गुरु गुण पटपद ॥
जिणवल्लह-पमुहाणं, सुगुरूणं जो पढेइ वर-कप्पं । मंगल-दीवंमि कए, सो पावइ मंगलं विमलं ॥१॥ इग्यारह सइ सट्ठसत्त समहिय संवछरि ।
___ आसाढइ सिय छट्टि चित्तकौटंमि पवरपुरि । महावीर जिणभवणिट्ठिय संठिउ जिणवल्लह ।
जिणि उज्जोयउ चंदु गछ पंडिय जिणवलह । गुरु तक्क कन्व नाडय पमुह, विज्जा वास पसिद्ध धर । परिहरवि आवि विहि पयड़ कइ, पुहवि पसंसिजइ सुपरपरि ॥१॥ इग्यारह गुणहत्तरइ किसण वैसाख छट्टि दिणि।
चित्तउड़ह वर नयरि संघु मिलियउ आणंदिणि । वद्धमाण जिणभवणिभयउ तहि घणउ महोछवु ।।
देवभहि संठियउ सूरि जिणदत्त सुनिछवु । आयस पुणति सूरि भिछ, जिम झाण नाण संतुट्ठ मण । जिणदत्त सूरि पहु सुर गुरवि, थुणवि न सक्कउं तुम्ह गुण ॥ २ ॥ अज्जवि जसु जस पसरु महि छहखंड धरत्तिहि ।
... अज्जवि जसु गुण नियरू थुणहि पंडिय बहु भत्तिहि । अज्जवि सुमरिज्जंतु विग्धत्तु अवहरइ पवित्तण ।
नाम ग्रहणि कुणंति जसु अज्जवि भवियण दिण ।
Jain Education International 2010_05 For Private & Personal Use Only
www.jainelibrary.org
