________________
सिरिपउमप्पहसामिचरियं
मायावी-गारविओ, वंको मण-वयण-काय-किरियासु । असुहं नामं बंधइ, सुहनामं तस्स विवरीओ ॥८८८|| पायं निरहंकारो, सिद्धंतरुई जिणिंदगुरुभत्तो । बंधइ उच्चं गोयं, विवरीओ बंधए नीयं ॥८८९।। पंचासवप्पसत्तो, जिणदेसिय धम्मकम्मविग्घकरो । बंधेइ अंतरायं, मणइच्छियवत्थुविग्घकरं ॥८९०॥ पच्छइ मयंकलेहा, सामिय ! जम्मंतरम्मि किं विहियं ? । जेण इमा मह जाया, दुसहा दुक्खाण पत्थारी ॥८९१॥ भयवं जंपइ नयरे, सीहपरे कणयरयणमयभवणे । गुरुदप्पविजियसप्पो, विप्पो परिवसइ कंदप्पो ॥८९२॥ बहुविज्जासंपन्रो, रायसुएणं अणंगनामेण । निच्चं माणिज्जंतो, तणमिव सो मनए भवणं ॥८९३॥ इत्तो य तत्थ नयरे, सयकित्तीनामघोरतवकारी । पाणामदिक्खधारी, लोयपसिद्धो वसइ भिक्खू ॥८९४॥ अह पउमदेवतणया, कमला ललियंगसिट्ठि तणएणं ।. नवपिम्मरत्तचित्ता, अकहियवत्ता गया तइया ॥८९५।। निस्संबंधविहारी, अकहियवत्तं जणाण सयकित्ती । दिव्ववसा तम्मि दिणे, वच्चइ आसनगामम्मि ॥८९६॥ सह केण वि सा कमला, गय त्ति वत्ता पुरम्मि वित्थरिया । कंदप्पो भणइ गओ, सयकित्ती धवमिमं गहिउं ॥८९७॥ जण दमा एयं चिय, सस्सूसंती सया वि दीसंती । दोण्ह वि एयाण तओ, निस्संसयमेरिसं जायं ॥८९८॥ तव्वयणेणं सव्वो, सयकित्ती निच्चमेव हीलंतो । सव्वेस धम्मेसं, विरत्तचित्तो जणो जाओ ॥८९९॥ अनदिणे तम्मि पुरे, पत्तो सयमेव तह वि सयकित्ती । गंतुं सह लोएणं, तेणं सो कुट्टिओ गाढं ॥९००॥
Jain Education International 2010_04
For Private & Personal Use Only
www.jainelibrary.org
