________________
६९
मयंकलेहाचरियं
पत्तं वणम्मि निसमिय, केवलनाणं जुगंधरं नाम । तन्त्रमणत्थं नियसय-पियाहिं सहिओ इमो चलिओ ॥८७५॥ अह नमियनिविट्ठाणं, नरवरपमुहाण सव्वलोयाणं । भवभावणासरूवं, परूवए केवली तत्थ ॥८७६॥ नियकम्महयाजीवा, सधणा अधणा जडा य विउसा य ।
सूहव-दूहवरुवा, हवंति पुज्जा अपुज्जा य ॥८७७॥ मिच्छत्तमविरई खल, हंति पमाया तहेव जोगा य । अट्ठण्ह वि पयडीणं, एए सामनहेऊओ ॥८७८।। नाणस्स विग्घकारी, पडिणीओ निण्हवो निसेवंतो । कालाई अइयारे, नाणावरणं निबंधेइ ॥८७९।। एए च्चिय तह दोसे, नयणेयरदसणाइ नव भेए । जो दंसणे निसेवइ, सो बंधइ दंसणावरणं ॥८८०॥ वय-विनय दाण-खंती-दयारओ तह य उज्जओ जोगे । बंधइ सायं कम्म, विवरीओ बंधए इयरं ॥८८१।। जिण-सिद्ध-संघ-चेइय-गुरू-सुयंधर-साहु-पमुहपडिणीओ । दंसणमोहं बंधइ, अणंत-भव-भवण-दढमूलं ॥८८२।। दव्वाररागदोसा, तिव्वकसायाइ दुरंतमोहो य । दुविहं चरित्तमोहं, बंधेइ चरित्तगुणघाई ॥८८३॥ आरंभससंरंभो, मंसासीकयपरिग्गहग्गाहो । जीवविघाई बंधइ, निरियाउं रुद्दपरिणामो ॥८८४|| माइल्लो य ससल्लो, सढसीलो धम्ममग्गकयनासो । उमग्गदेसओ तह, बंधइ तिरियाउमट्टमणो ॥८८५॥ संजम-सीलविहूणो, पयणुकसाई सया वि दाणरओ । मणयाउयं निबंधइ, मज्झिमगणनिवहसंजत्तो ॥८८६॥ अणुव्वय-महव्वयधरो, बालतवस्सी अकामनिज्जरओ । सम्मत्तमित्तधारी, देवाऊ बंधए जीवो ॥८८७॥
Jain Education International 2010_04
For Private & Personal Use Only
www.jainelibrary.org
