________________
६८
सिरिपउमप्पहसामिचरियं सो आह मज्झ विरहे, जेत्तिपपित्तं तए दुहं सहियं । तुह विरहे तस्स मए, तिलतुसमित्तं पि नहि सहियं ॥८६१ ॥ सयधारसयनिवायाहियदुहनिवहेहिं जं न पत्तासि ।। अच्चाहियं इमं मह, सुकयाणं देवि ! महमहियं ॥८६२॥ मन्ने धनो अहयं, सुरिंददत्तेण जं सुपुत्तेण । सहिया सचित्तलेहा, मयंकलेहा मए दिट्ठा ॥८६३।। कणयद्धयनरनाहो, तहेव आरक्खिओ कणयबाहू । सोउं सायरचंदं, पत्तं तत्थेव संपत्ता ॥८६४॥ मत्तगयंदारूढो, सागरचंदो परम्मि नरवइणा । कयविविहहट्टसोहे, पवेसिओ सय-पियासहिओ ॥८६५।। नियजामिसामिसमहियगोरव्वेणं निवेण सो तत्थ । पिच्छिज्जंतो चिट्ठइ, इक्कं मासं निमेसं व ॥८६६॥ तं जणणि-जणय-दसणसमूहयं मुणिय कहवि नरनाहो । सामंतनिवहसमयं, पेसइ उज्जेणिनयरीए ॥८६७॥ सजसमहेण वियाणिय, तं पत्तमवंतिसेणनरनाहो । पच्चोणीए वच्चइ, सायरदत्तेण संजुत्तो ॥८६९।। एक्कं सपिओ पत्तो, अवरं विहवंतरं समारूढो । इय तस्स तेहिं विहियं, पुरप्पवेसाइगोरव्वं ॥८७०॥ पत्तो पुलइज्जतो, सविम्हियं पुरनिवासिलोएहिं । नियसुयपियाए सहिओ, सायरचंदो सगेहम्मि ॥८७१ ॥ सो को वि तया जाओ, पउमापमुहाण हरिसपब्भारो । जं वन्निउं न सक्को, सक्को वि समासहस्सेहिं ॥८७२॥ ससुराइनमियपत्ता, मयंकलेहा नियम्मि पासाए । कमसो सायरचंदो, सहागयजणं विसज्जेइ ॥८७३ ।। तेण ससुएण विहियं नायागयविविहविहवनिवहेण । जिणभवणकरणरहवरजत्ता दीणाइदाणाई ॥८७४।।
Jain Education International 2010_04
For Private & Personal Use Only
www.jainelibrary.org
