________________
मयंकलेहाचरियं
६७
हे सुजस ! कहसु पत्तो, सायरचंदो कहिं ? ति जंपंतो । सहसा सुरिंददत्तो, समुट्ठिओ तीए संजुत्तो ।।८४८।। सुजसो मयंकलेहा, सुरिंददत्तो जणो य पुरवासी । पत्तं सायरचंदं, सोऊणं सम्मुहा चलिया ॥८४९।। सुजसो नहेण गंतुं, सायरचंदस्स साहए एयं । तुज्झ सुओ तुह दइया, समिति तुह सम्मुहा सुहय ! ॥८५०॥ सव्वाण ताण तइया, पियमेलणकाणणस्स पज्जते । दुहनिवहसेलकुलिस, अन्नोन्नं दंसणं जायं ॥८५१॥ महिमिलियमउलिकमलो, सुरिंददत्तो नियस्स जणयस्स । पयपंकयं नमसइ, मन्नइ तं चेव जम्मदिणं ॥८५२॥ उप्पाडियपरिरंभिय, मूले उवविसियपूगसाहिस्स । सायरचंदो पत्तं, उच्छंगे सायरं कुणइ ॥८५३॥ जमुण व्व सुरनईए, पहरिसपीयूसपूरभरियाए । वेगेणचित्तलेहा, मयंकलेहाण परिरद्धा ॥८५४।। चित्ते अचिंतणिज्जं, महाकइगिराए गोयरं नेयं । तं तेसि सह जायं, जं जइ जाणंति ते चेव ॥८५५॥ सोऊण चित्तलेहामहेण दइयस्स वइयरं सव्वं । पियपयलुलंतदेहा, मयंकलेहा चिरं रुयइ ॥८५६॥ हा नाह ! नाह ! कज्जे, मज्झ अहवाइ खित्तुमनलम्मि भवणमणोहरतरुवणमप्पा कहवससिओ तमए ? ||८५७॥ तह दूसहम्मि विरहे, जलणपवेसाइ नाह ! मह उचियं । नारीसहस्स वल्लह, दूरं चिय अणचियं तज्झ ॥८५८॥ हे सुजस ! तुज्झ सुजसो, आचंदं भमइ भवणवलयम्मि सायरदत्तस्स कलं, उद्धरियं जेण नीसेसं ॥८५९।। एवं जपंती सा, सायरचंदेण धरियबाहाए । निय अंगवामदेसे, निवेसिया पियसही सहिया ॥८६०॥
Jain Education International 2010_04
For Private & Personal Use Only
www.jainelibrary.org
