________________
मयंकलेहाचरिय
७१
उवसंतमणो जट्ठी मट्ठीघाए सहेइ सो सव्वे । सत्तम दिणम्मि जीहा, कहिया कंदप्पविप्पस्स ॥९०१ ।। मरिऊण सारमेओ, जाओ कम्मेण तेण सो तत्थ । पणरवि जिब्भा कहिया, मरिउं वेसा तओ जाया ॥९०२।। तत्थ य नंदणधणिसयसंसग्गेणं जिणिंदधम्मम्मि । निच्चलचित्ता जाया, जीवाण गई अहो ! विविहा ॥९०३॥ सा जत्थ जत्थ तरुणी, वित्थारइ तं सवलियनित्ताणी । निवडेइ तत्थ तत्थ य, अइविसमा विसमसरधाडी ॥९०४।।
अनदिणे सरतीरे, सा विलसंती मरालवरमिहुणं । पिच्छइ तत्तो छेया, सकोउगा गिण्हए हंसं ॥९०५॥ कंकमपिंजरदेहं, एयं काऊण मंचए सा वि । मिलिओ वि न हंसीए, रहंगभत्तीए विनाओ ॥९०६॥ तो करुणमारसंती, मच्छंती विरहजलियसव्वंगा । घडियाउ एक्कवीस, चिट्ठइ सा तत्थ सरतीरे ॥९०७।। गेहं गच्छंतीए, तीए वेसाइ पुण वि छेयाए । सकरुणमणाए हंसो, विहिओ हरिणंकसमवनो ॥९०८॥ मिलिया पुणरवि हंसी, निएण दइएण रमइ सच्छंदं । गणियाण सिरोरयणं, सा पत्ता मंदिरं निययं ॥९०९॥ मरिउं समाहिणा, सा मायादोसेण पढमकप्पम्मि । सक्कस्स पट्टदेवी, जाया देवीसिरोरयणं ॥९१०॥ विजया मयंकलेहा, जाया सीलम्मि पत्तजयरेहा । सो उण अणंगकमरो, बहमन्निय तस्स तं पावं ॥९११॥ भमिऊण भवे जाया एत्थ सही तुज्झ चित्तलेहा सा ॥ जं दूसिओ तया सो तेण कलंको तुहं जाओ ॥९१२॥ निहओ जं च तया सो जाया तह तेण दक्ख-पत्थारी । जाया बहुमयपावा, समदुक्खा चित्तलेहा य ॥९१३॥
Jain Education International 2010_04
For Private & Personal Use Only
www.jainelibrary.org
