________________
.
W
सिरिपउमप्पहसामिचरियं
तुह मह दोसेणं चिय, आजम्मं दूसह दुहं जायं । . इत्थीण हा कुभत्ता, सत्तुसहस्सं विसेसेइ ॥७८३॥ मह मई पि नियच्छिय, कह सा निव्वासिया तए जणणि ! सच्चं चिय मह जणणी, जडस्स एयाण बुद्धीए ॥७८४॥ तइया आगंतूणं, विहिया समए विसेसओ दुहिया । रुट्ठो वा तुट्ठो वा, पाणेसरि मारए कुपहू ॥७८५॥ चत्तं पिएण निव्वासियं च सासूहि जणणि-जणएहिं । मक्कं तं मह दइयं, हे वणदेवीओ ! रक्खेह ॥७८६॥ तम्मि रुयंते पउमा, सायरदत्तो तहेव धणसारो । रंभा अवरो वि जणो, विलवइ विनायवत्तंतो ॥७८७|| गब्भभरालसदेहाविमुक्कगेहा पियम्मि दढनेहा ।। हा हा मयंकलेहा ! सुण्णे रण्णे कहं होही ॥७८८॥ पुणरुत्तं विलवंतो, एसो धणमित्तमित्तसंजुत्तो । पुरलोयं पि ससोयं, करेइ सयणाण किं भणिमो ॥७८९।। भवभावणाहिं गरुयणगिराहिं संधीरणाहिं जणयाणं । मणयं पि तस्स मंदो, न वि जातो सोयसंभारो ॥७९०॥ तत्थ य मयंकलेहा, भुत्तेसं भुवणकाणणपुरेसं । ठाउं मुहुत्तमित्तं, अचयंतो चयइ सव्वाणि ॥७९१ ।। जाव न मयंकलेहा, दिट्ठा वरिसाण सयसहस्से वि । ताव न आगच्छिस्सं, इय नियचित्ते कयपइनो ॥७९२॥ मित्तस्स वि अकहित्ता, गिण्हिय बाणासणं सतूणीरं । निग्गच्छइ नयराओ, अहह ! दुरंतो अहो नेहो ॥७९३॥ पइपहियं पुच्छंतो, पइकंदरमंदिरं च पिच्छंतो । पइतरुतलं रुयंतो, पइपरमंतो विसंतो य ॥७९४॥ पइपुलिणं पुलयतो, पइपद्धइमसमतरुणिरमणीणं । हेडंबं वणसंडं, पत्तो गलिरच्छिसयवत्तो ॥७९५॥
Jain Education International 2010_04
For Private & Personal Use Only
www.jainelibrary.org
