________________
मयंकलेहाचरियं
६१
अह सो सायरचंदो, वच्चइ सत्थम्मि मिलइ मित्तस्स । गच्छइ थोवदिणेहिं, अवंतिसेणस्स कडयम्मि ॥७७०॥ सत्तुंजयनरनाहे, अवंतिसेणेण राइणा गहिए । दइया सुमरणसरणो, तरुणजणो वलइ कडयाओ ॥७७१ ।। पारेवउ व्व पंजरमक्को, सो राइणा अमक्को वि । समरिय मयंकलेह, सायरचंदो वलइ सहसा ॥७७२।। पत्तो नियम्मि नयरे, अप्पिय अज्जिय धणाणि जणयस्स । वच्चइ मयंकलेहा, धवलहरं विरहजज्जरिओ ॥७७३॥ वयणं व नयणचत्तं, गयणं व मयंकमंडलविमक्कं । पिच्छइ मयंकलेहा, रहियं भवणं विगयसोहं ॥७७४|| चिंतइ संकियचित्तो, नियजणयगिहम्मि किं गया एसा ? किं वा हयासविहिणो, विलसियमवरं इमं किंचि ॥७७५॥ गंतुं जणणिं पुच्छइ, मह माणसहरिसकंदकंदलणे । सजलजलवाहसोहा, मयंकलेहा कहिं जणणिं ? ॥७७६॥ सोऊण इमं एसा, भीया मणसा वि धरियधिट्ठत्तं । जंपइ पउमा गिण्हसु, तिस्सा नाम पि मा वच्छ ! ॥७७७|| कयकुलकलंकपका, तुमम्मि संपत्थियम्मि सा पच्छा । जाया पगब्भगब्भा, मए वि निव्वासिया तत्तो ॥७७८॥ सयधारनिवायं पिव, तं वायं सो मणित्त महिवीढे । पक्खी व छिनपक्खो, पडिओ मुच्छा परिग्गहिओ ॥७७९।। हा हा हय त्ति भणिरो, परिवारो सिसिरचंदणरसेण । उत्तालतालविंटानिलेण तं कुणइ गयमच्छं ॥७८०॥ तत्तो एसो विलवइ, वारं वारं च तारतारं च । हे रमणिपत्तलेहे ! मयंकलेहे ! कहस कत्था ? ॥७८१॥ भणिएण वि जं तुमए, नियमागमणं न चेव जणयाणं । कहियं तं मह दहिही, हिययं हा देवि ! आमरणं ॥७८२ ।।
Jain Education International 2010_04
For Private & Personal Use Only
www.jainelibrary.org
