________________
सिरिपउमप्पहसामिचरियं
लहुएहिं छुहिएहिं, सहसा नियमोयगा तहिं असिया । ठावइ सुरिददत्तो, वावडचित्तो तमेगते ॥७५७॥ कित्तियमित्ते काले, वक्ते पुण वि ताण छुहियाणं । सो अप्पइ नियमोयगमसिओ सो तेहिं दोहिं पि ॥७५८।। गुरुगरललहरिगहिया, चइया पाणेहिं दो वि ते कमरा । धणवइमणं वियाणइ, वेसमणो कज्जगइ सज्जो ॥७५९॥ जंपइ सुरिददत्तं, गच्छसु हे वच्छ ! तामलित्तीए । जणणीए साइणीए, पुत्ताण कओ कुसलवत्ता ? ॥७६०॥ कहिऊण सव्ववइयरमामूलं अप्पिऊण तं मुदं । काउं सत्थनिवेसं, पट्ठविओ तामलित्तीए ॥७६१॥ सो जणय-जणणिजाणणचिंताए चलंतसल्लतुल्लाए । दुत्थियचित्तो, सायरचंदं सव्वत्थ पुच्छेइ ॥७६२।। कमसो नयरे नयरे, गामे गामम्मि निययजणयस्स । नामं परिपुच्छंतो, संपत्तो तामलित्तिए ॥७६३॥ तत्थ बहुविहवमज्जइ, वच्चइ निच्चं पि रिसहभवणम्मि । आरोहइ चक्केसरिदेविं, विविहोवयारेहिं ॥७६४॥ अट्ठमभत्तऽवसाणे, पयडा होऊण जंपए देवी । सायरचंदो जणओ, मयंकलेहा उ तह जणणी ॥७६५॥ सिद्धत्थपुरे नयरे, मिलिही पियमेलयम्मि आरामे । एयं तु अहिनाणं, तुह जणणीए तुमं दटुं ॥७६६॥ छीरं पयर्ड होही, सायरचंदं च पिच्छिउं लोया ।। भणिहिंति एस जणओ, सरिददत्तस्स निब्भंतं ॥७६७॥ एत्तो ठाणाउ गओ, मिलिहिसि मासेण जणणि-जणयाणं । तो मुंच वच्छ ! सोयं, इय जंपिय सा गया देवी ॥७६८।। तत्तो सुरिंदत्तो, पहिट्ठचित्तो नमित्तु सिरिरिसहं । सिद्धत्थपुराभिमुहो, चलिओ बहुमित्तसंजुत्तो ॥७६९॥
Jain Education International 2010_04
For Private & Personal Use Only
www.jainelibrary.org
