________________
मयंकलेहाचरियं
आइट्ठो नरवइणा, नियनयरारक्खिओ कणयबाहू । नीसेससत्तिजुत्तो, सुपसिद्धो मंतवाईसु ॥७४४॥ जालामालिणीदेविं, कुमारिदेहम्मि सो वि एगंते । अवयारिय परिपुच्छइ, तिस्सा दोसस्स पज्जतं ॥७४५।। कन्नामहेण देवी, जंपइ हे वच्छ ! नत्थि एयाए । अन्नो वि को वि दोसो, सुरकयदोसाण का वत्ता ? ॥७४६।। इत्थीसु पत्तरेहा, मयंकरेहा इमा पसिद्धस्स । सायरचंदस्स पिया, दिव्ववसा इत्थ संपत्ता ॥७४७॥ नियसीलरक्खणत्थं, गहिला जाया नियम्मि गेहम्मि । तुमए ठावेयव्वा, दट्ठव्वा गोत्तदेवि व्व ॥७४८।। आएसो त्ति भणित्ता, देविं वीसज्जिऊण नरनाहं । पडिबोहिय तं सगिहे, आणइ लच्छिं व पच्चक्खं ॥७४९।। सरविहियपाडिहेरा, पए पए पयडसीलमाहप्पा । निच्चं अच्चिज्जंती, जणेहिं सा चिट्ठए तत्थ ॥७५०॥ चिंतइ चित्ते भत्ता, चिट्ठइ अवत्थ अहयमनत्थ । अवत्थ सा सही वि हु, कत्थवि अनत्थ हा पुत्तो ! ॥७५१।। सवणेहिं जन्न सव्वइ, अणहूयं तं पि इह मए दक्खं । मीलिय अच्छिं तह वि हु, सहियव्वो कम्मपरिणामो ॥७५२॥ सो उण सरिददत्तो, ववहारं कणइ अज्जए विहवं । जणयस्स जीवियाओ, निच्चं चिय वल्लहो जाओ ॥७५३।। गुणगणमिमस्स पुलइय, तुच्छमई धणवई विचिंतेइ । एयम्मि जीवमाणे, तिणतुल्ला हं न मह पुत्ता ॥७५४।। मारेमि त्ति विचिंतिय, सविसं निम्मवइ मोयगं एगं । अवरे इ दन्नि कारइ, विसरहिए मोयगे पावा ॥७५५॥ तत्तो पेसिय दासिं, तिण्ह वि पुत्ताण कोससालाए । चिट्ठताणं पासे, ताणं तो देइ सा कमसो ॥७५६॥
Jain Education International 2010_04
For Private & Personal Use Only
www.jainelibrary.org
