________________
मयंकलेहाचरियं
तत्थ सह निवसंती, गोकलगणसामिणा वसंतेण । खामा वि ह . अभिरामा, जियसुररामा इमा दिट्ठा ॥६९४।। अज्झुववनो तिस्सा, ललियापमुहेण कुणइ चाडूणि । सा निक्कलंकसीला, न सहइ परपरिसनामं पि ॥६९५॥ ललियाए तओ एसो, भणिओ किं कुणसि सामि ! एयाए ? पज्जा खल गिहपत्ता, अवरा वि सई विसेसेण ॥६९६॥ तत्तो सहं पसत्ता, निसीहसमयम्मि तेण सयमेव । हरिया कत्थ वियारो, परदारपसत्तचित्ताणं ? ॥६९७॥ मह गेहठिया निच्छियमेसा, होही कमेण मज्झ वसा । इय चितंतो एसो, अइवाहइ कह वि तं रयणिं ॥६९८॥ जामिणिविरामसमए, वासियवमणेण जमगिहं पत्तो । सहसा अणत्थसत्थं, लहति पावा किमच्छरियं ? ॥६९९।। सारयमयंकधवला, मयंकलेहाए झ त्ति वित्थरिया । कित्तीकलंकमक्कं, सीलं किं किं न साहेइ ? ॥७००॥ सक्कारं काऊणं, वसंतपरियणजणेहिं सा मुक्का । धम्मनिरयाणं वसणं, न होइ न चिरं हवइ जइ वा ॥७०१॥ नियगोकुलमुद्दिसिउं, गच्छंती मग्गओ परिभट्ठा । निग्गोहसालहिट्ठा, वीसंता रनमज्झम्मि ॥७०२।। कम्मसरूवनिरूवणपरायणा तत्थ दिव्वजोगेणं । मयरंदतावसेणं, दिट्ठा कारुण्णपुन्नेणं ॥७०३।। संपुच्छिय वुत्तत्तं, नीया निययम्मि आसमे तेण । कहिया नियकुलवइणो, पडिवत्रा तेण पुत्ति त्ति ॥७० ४।। मंदिरगामासने, मक्का नेऊण तावसगणेण । तत्तो संझा समए, पविसंती गाममज्झम्मि ॥७०५॥ तग्गामसामिसुंदरनरेहिं गहिया य भद्दकालीए । चंडीए आययणे मुक्का बंदाण मज्झम्मि ॥७०६॥
Jain Education International 2010_04
For Private & Personal Use Only
www.jainelibrary.org
