________________
५४
सिरिपउमप्पहसामिचरियं
अभिरामं से नाम, वेसमणो धनवइजत्तो ॥६८१।। वेसमणसमाणो सो, वेसमणो तद्दिणाउ संजाओ । सा धनवई वि जाया, थिरजोणी तस्स माहप्पा ॥६८२॥ जाया से दोन्नि सया, कमसो धणदेव-धणयनामाणो । वम्महलीलासेलं, सो पत्तो चारु तारुन्नं ॥६८३॥ परिणाविओ य पिउणा, सुरिंददत्तो बहूण बत्तीसं । तियसाण वि महणिज्जं, विसयसहं भंजए ताहिं ॥६८४॥ इत्तो य - पक्खालिय नियदेह, मयंकलेहा सराउ संपत्ता । हरिसतरुआलवालं, न नियइ बालं तहिं भवणे ॥६८५॥ झ त्ति धसक्किय चित्ता, चउदिसि अवलोइऊण तं बालं । कलिस-सय-हय-तणू विव, हच्छं मच्छाविया तत्तो ॥६८६॥ सिसिर-समीरण-संगमसंपाविय चेयणा तहा तारं । विलवइ तह थंभगया, रुयंति पंचालियाओ वि ॥६८७॥ हा वच्छ ! मच्छपंकय-सिरिवच्छप्पमुहलक्खणनिवास ! नियवनविजियचंपय । किं पयमिहिं कहस पत्तो ? ॥६८८॥ हा कह गयपुण्णा हं, इह तं मुत्तूण देवया दइयं । अनत्थ गया तइया, हयासविहिणा हया पावा ॥६८९।। पियविरहसयलबंधवअवमाणणपियसही विओएहिं । रे दिव्व ! नेव तट्ठो, सयविरहदहं पि जं देसि ॥६९०॥ रे हिय्य ! तुज्झ पणया, अंजलिबंधो कओ य तुह एसो । पज्जलिरजलणखित्तं, तड त्ति फट्टेस लवणं व ॥६९१॥ इय तारं विलवंती, सा बाल व्व वल्लहाए ललियाए । निसया तह धीरविया, नीया नियगोकुलगिहम्मि ॥६९२॥ दुहियं पि तीइ हिययं, मणयं सुहियं कमेण निम्मवियं । ललियाए ललियवाणी, निक्कित्तिमपेम्मरम्माए ॥६९३॥
Jain Education International 2010_04
For Private & Personal Use Only
www.jainelibrary.org
