________________
· सिरिपउमप्पहसामिचरियं
हीलिज्जंती दुज्जणजणेहि, सुयणहिं गरुयदुक्खेहिं ।। सोइज्जंती आसासिज्जंती नयरनारीहिं ॥६३०॥ मह गेहि च्चिय चिट्ठसु, मा वच्चसु देवि ! अवरनयरम्मि । ठाणे ठाणे एवं, जवइजणेहिं भणिज्जती ॥६३१॥ सायरचंदस्स पहं, पच्छंती सायरं सही सहिया । दुहिएसु पत्तरेहा, मयंकलेहा पुरं चयइ ॥६३२॥ सरिपरिसरम्मि पत्ता, तत्ता खरकिरण-किरणजालाहिं । वीसंता खणमित्तं, काणणलच्छि व्व तरुमूले ॥६३३॥ मंदायमाणकिरणे, खरकिरणे फुरियदइयरणरणया । पणरवि वच्चइ परओ, पियपहमवलंबिउं बाला ॥६३४॥ पुनरवि मंदं मंदं कुणमाणा दब्भविद्धकमकमला । दिंती कंकमतिलयं, धराए पयरूहिरबिंदहि ॥६३५॥ निज्झरणे निज्झरणे, वारं वारं जलं निपीयंती । अविरामं वीसामं, साले साले पकुव्वंती ॥६३६॥ समरिय समरिय नियपइसंलावं झत्ति झत्ति विलवंती । कित्तियदिणेहिं बाला, सुबारम्मि संपत्ता ॥६३७॥ नियदइयविप्पउत्ता, चत्ता सव्वेहिं निययबंधूहिं । पत्ता भीममरनं, तारसरं विलवए तत्तो ॥६३८॥ सुहवल्लिकंद ! हा सत्तिखंद ! हा हिययजलहिछणचंद! । अन्नायमंदसायरचंद ! तुम कत्थ दिट्ठव्वो ? ॥६३९॥ अइदीहदंसिणा वि हु, भणिएण मए वि जं न जणयाणं । नियमागमणं सिटुं निसाइ तीए तए नाह ! ॥६४०॥ केवलपावमयाए, दुत्थियजणनिवहपत्तरेहाए । पावस्स तं वियाणसु, मयंकलेहाए विप्फुरियं ॥६४१ ।। हा काणणदेवीओ ! हे ! जलदेवीओ । गयणदेवीओ । मह उवरि कयपसाया, दुत्थं मह कहह नाहस्स ॥६४२ ।।
Jain Education International 2010_04
For Private & Personal Use Only
www.jainelibrary.org
