________________
सिरिपउमप्पहसामिचरियं अवह अवंतिसेणो, सायरदत्तो वि इत्थ चिरकालं ।। कलिऊण ठियं पच्छा, मं सच्छंदं भणिस्संति ॥६०४॥ सा आह हिययवल्लह ! चिराउ पत्तोसि जासि इह सिग्धं । तह चेव इमं कज्जं, छज्जइ छेयस्स नऽनेसि ॥६०५॥ सिच्छाइ तह वि वच्चसु, तुह वारणकारणम्मि का अहयं ? । मं कुसुमबाणबाणा, पुणरविपरिवारइस्संति ॥६०६॥ किंतु अहं अज्जेव य, रजस्सला समयविहिय नववसणा । जइ कहवि हवइ गब्भो, तो हं कह होमि तुह विरहे ? ॥६०७॥ पउमा गयछउमा वि हु, तो मं निव्वासिही धुवं पच्छा । किं न सुयं नाह ! तए, सासूण वहूर्हि सह वेरं ॥६०८॥ सो आह भीरु ! मुद्दारयणं गिण्हेसु मह अहिण्णाणं । अप्पसु निययं हार, मह मणकयसोक्खसंभारं ॥६०९॥ इय जंपिय नियमप्पिय, मुद्दारयणं इमीइ तह हारं । गिण्हिय तं आसासिय , परिरंभिय सो गओ सत्थे ॥६१०॥ इत्तो य चविय तइया, देवनिवासाउ दिव्वजोएणं । उयरम्मि तीए उत्तमसरजीवो को वि अवयरिओ ॥६११॥ अह सह वड्ढइ गब्भो मयंकलेहाए अजसपंकेणं । दलूण इमं पउमा, कुविया तं पइ पयंपेइ ॥६१२॥ मह कलकलंककारिणि । वेरिणि ! नियजणयगोत्तकित्तीणं । संहारिणि ! किं दीसइ, अदंसणिज्ज इमं तुज्झ ? ||६१३।। सा आह तुज्झ पुत्तो, पत्तो इह आसि मित्तसंजुत्तो । मक्कं मद्दारयणं, इह तेणं निय महिनाणं ॥६१४॥ गहिओ य मज्झ हारो, उवलक्खसु नियसुयस्स रयणमिणं । तयण मह चंड-दंडं, जं जाणसि तं करिज्जास ॥६१५॥ हसिऊण सा पयंपइ पंसुलि ! जाणेसि बह वियारे वि । मुद्दानयणपयारो, खद्धा वग्घेहिं किं अन्ने ? ||६१६॥
Jain Education International 2010_04
For Private & Personal Use Only
www.jainelibrary.org
