________________
मयंकलेहाचरियं
अह जपइ धणामत्ता, पसाय पसयाच्छ ! तज्झ नाहस्स । धनमित्तो मित्तो हं, किं मं निव्वाससे मुद्धि ! ॥५९०॥ निव्वासेसु जलद्दापंकयपमुहाणि असुहकारीणि । संपइ सायरचंदो, पत्तो सरिऊण नियदइयं ॥५९१ ।। कमलमुहि ! हरिणनयणे ! नज्जइ अरुणोदएण जह सूरो । धनमित्तेणं जाणसु, सायरचंदं तहा पत्तं ॥५९२।। सा आह मह पियं न वि, मनावसि मं तुम पि पहसेसि । धणमित्त ! अमित्तो विव, को हासो दिव्वहसियाए ॥५९३।। संकंततद्दहो विव, गलंतनित्तो इमाइ भवणम्मि । पविसइ सागरचंदो, तिस्सा मणजलहिछणचंदो ॥५९४॥ तमणब्भअमयवुट्ठी सरिसं दिट्ठी महसवाया तं । दर्छ लज्जासज्जा, सहसा एसा समठूइ ॥५९६।। अलमलमइसंरंभं, काउं खिन्नासि मज्झ दोसेणं । मन्ने धनो अहयं, जं जीवंती तुमं दिट्ठा ॥५९७|| इय जपतो तिस्सा, करकमलं नियकरेण गिण्हंतो । नवमिव वीवाहविहि, पयासयंतो गओ सिज्जं ॥५९८॥ मा भणसु इमं कहमवि, अहयं तुह नाह ! अंकदासि व्व । इय भणिरा अइनिब्भरमेसा परिरंभिया तेणं ॥५९९॥ एज्जासु तुमं सिग्धं अहयं वच्चामि सत्थसत्थत्थं । इय जंपतो गयणं, धणमित्तो झ त्ति उप्पइओ ॥६००॥ तह विरहदीहरासं, निसास जागरणघणकिलेसेणं ।। सुढियम्मि जामि सामिय ! इय भणिरा जाए तीइ सही ॥६०१॥ चिरकालमीलियाणं, समवयरूवाण गाढपिम्माणं । जीहाए अविसयं चिय, सुरयसुहं ताण संवत्तं ॥६०२॥ जाए पभायसमए, सायरचंदेण सा इमं भणिया । हच्छं आगच्छिस्सं, पाणेसरि ! मुंच में इहिं ॥६०३।।
Jain Education International 2010_04
For Private & Personal Use Only
www.jainelibrary.org
