________________
मयंकलेहाचरियं
इय तं जपतिं चिय, अवगन्निय नमिय जणणि-जणयाणि । चलिओ समित्तजुत्तो, अवरं कडयं व पयडंतो ॥५३९॥ दइयावमाणतक्खणसयगुणविरहग्गिजलियसव्वंगा ।। जलभिना भित्ती विव, गंतुं सयणम्मि सा पडिया ॥५४०॥ हच्छं परिमुच्छंती, हत्थं चिय चेयणं पि पावंती । दिव्वं उवालभंती, तं दिणमइवाहए मुद्धा ॥५४१ ।। सो उण सागरचंदो विसज्जिऊणं सहागयं लोयं । सरिपरिसरम्मि परियरसहिओ आवासिओ गंतं ॥५४२॥ इत्थंतरम्मि विरहिणिदुहदववीसामणत्थमिव तरणी । संहरिय किरणजालो, पत्तो दीवंतरं सहसा ॥५४३॥ आयासवासभवणे, जामिणिनवकामिणीए विज्झविओ । दीवु व्व दिवसनाहो, पियससिनवसंगसमयम्मि ॥५४४॥ निदाणनेत्तपत्ता, नलिणिवहू परिमिलाण मुहकमला अंतो निलीणमयररवेहिं रुवइ व्व रविविरहे ॥५४५॥ कूरेण निययसमयं, पाविय सव्वत्थ अंधयारेण । अंधारियाए खित्तं, भुवणमसेसं पि पडिहाइ ॥५४६॥ पत्तो विरहिणिमणवणदव व्व तह कमलकालपास व्व । माणिणिमाणघणाय सचंबयउवलोवमो चंदो ॥५४७॥ जद्दरमयचंदोदयसमकिरणभरम्मि भुवणभवणस्स । परिसक्किरम्मि चंदे, सायरचंदो ठिओ सिज्जं ॥५४८॥ वारं वारं करुणं, तारं तारं च तेण पलवंती । निसुया नियरवरोवियमच्छ-कुला किन्नरी एगा ||५४९।। अह खग्गवग्गहत्थो, अविहत्थो जममहे वि पविसंतो । अणसदं गच्छंतो, पत्तो पत्तलनिगंजम्मि ॥५५०॥ तत्थ य तत्थ मयच्छी मणि-रयणभरणकिरणदिप्पंता । दिप्पंतविरहनवदवगाढकढिज्जंतसव्वंगा ॥५५१॥
Jain Education International 2010_04
For Private & Personal Use Only
www.jainelibrary.org
